Lukasa 18:22 - Ma Jou ai Demo-demo o Totobelohoka

²² De o Yesusu witemo unangika wato, “Bowahu moiokahi kiani nodogo la ani hingounu hatoli ingodumu. Kiani noiki nolio ani tauika, naika de ani kiahonanga nakokifukunoka mata-mata de naga ani tiwi ahao nahidoaka abe o nyawa yohu-huhaika. Gea nahidoaka onangika la ngona ahao nokaya o Horogaka. Ho ani kiahonanga nakokifukunoka de ahao nolioli Ngohino de ka idadi nohiniiki Ngohi.”

Lukasa 18:22 ပူးပေါင်းရင်းမြစ်များ

Matiusu 19:21

De o Yesusu wipaluhu unangika wato, “Nako ngona noigo la duru ani hininga itotiaioka Ma Jou ai himangoka, gea kiani noiki nolio ani tauika, naika de ani kiahonanga nakokifukunoka mata-mata de naga ani tiwi ahao nahikokidoakoka o nyawa yohu-huhaika. De gea nahikokidoakoka onangika la gea ahao ngona nokaya o Horogaka. Ho ani kiahonanga mata-mata nakokifukunoka de ahao nolioli Ngohino la nohiniiki Ngohi.”

Lukasa 10:42

Masara tanu koaho ma titi moi dika abe duru iperelu ani hininga aniiki, de ena gea abe hoka ngoni dodotoli o ngo Maria momangiriki angamoi mototoihene ahi demoino. Ho Ngohi ko toigoua la ahi dodotoko ma demo moporete ho ko moihenua.”

Lukasa 12:33

“Ho ngini naa ka idadi nia kiahonanga niafukunu dika de ahao abe ma tiwi gea niahikodoku o hu-huha ma nyawaika. La nia datorino gea de ngini ka idadi hoka nimahidailako nia kaya abe duru itongohono ka hiado-adonika. Angamoi nia utumu o Horogaka gea ko iwa yotobatohi-tohiki abe ka idadi inidohiki, de ko idadiua o goguhu yaolomo, ho nia utumu gea duru itongohono ka hiado-adonika.

Lukasa 16:9

Masara naa ngohi tinihigaro tato irahai ngini niapake o dunia ma kiahonanga de o tiwi la genangino de niahiutumu onangika abe ko iwingakuahi Ma Jouika la ahao marai ona ka idadi iwingaku Unangika. De ahao ma oraha dokengika abe ko niapakeokaua o tiwi de ma nyawa abe niaduhunoka Ma Jouika ka idadi inidafongo irahai ma oraha nimahiadono daku o Horogaiye de nimakamakeoli!”

Lukasa 18:21

De ma hidimono gea womahingahuoli wato, “Ngohi naa ka ahi etetekinohi de o pareta gea mata-mata ngohi duru taniikoka.”

Lukasa 18:23

Ho ka de gea woihene de una ai hininga duru ihuha angamoi to una ai kiahonanga duru kohangoe de ko woigoua gea wahidotodoaka o nyawaika.

Lukasa 9:23

De ahao o nyawa yowoe-woeika o Yesusu wotemo wato, “Onagona dika nginioka abe niato nihinii-niiki Ngohi, gea ibootohi ngini nimahisosanangi dika. De ngaro duru inihikangela ma ngoe ma titi nihinii-niiki Ngohi, ngaro ka hiadono marai o nyawa utu ato inihohonenge o gota isosalioainoka, ma ufa genangino de inihirehenoka Ngohino. Abe nako o wange-wangeiye nimaputuhu la nihiniiki Ngohi ho ngaro abe ma kokangela niamakeoka masara gea de ko inihirehenua Ngohino, gea ahao nihinii-niiki igou-goungu.

Filiipi 3:13

Ahi gogianongoru o Yesusoka, duru ko totemoua tato o Kristusu ai wowango duru tomaaduru itiaioka eko gea tomahitongohiokau, masara naa moi todiai, o kia dika ipahaka, gea ipahaka de ko topusingokaua de ena, ma, abe naga ahi himangoka duru tolegaika de tomaribuutu la genangika tomahiadono la ka idadi ahi wowango ma hadia taso. De gea abe tohiromanga tato ahi hadia, gea la ahi wowangoka ka ihikaika tomaaduru hoka o Kristusoli.

2 Peturusu 3:8

Ho ona yotobamia-mia ona gea hoka yawohanga ma titi Ma Jou ai Demo-demo ma kuaha de abe Una ahao wohingodumu ai demo mata-mataika. Masara ahi gogianongoru abe duru tinidora, abe ma titi nanga Baluhu ai gahe, naga moi abe koaho homafikirohi la ufa ngoneoli hawohanga. De gea ka idadi tonaleha, ma titi o kia hiadono hokonaa ma dekanoka de Ma Jou ko wohingodumuahi to Una ai gahe abe wato woboali? De gea ma titi abe nako Una waetongo ma oraha, gea duru imakohowono de abe ngone o nyawa haetongo. Angamoi nako Ma Jou ai himangoka ngaro ka o wange moiino dika ma dekana eko ngaro o taongo o sana moiino, ma gea waetongo ka imaketero dika ma dekana Unangoka, ho ko imakohowonua.