Lukasa 18:15 - Ma Jou ai Demo-demo o Totobelohoka

¹⁵ De ipahainoli de ahao o nyawa manga ngofa-ngofaka yao o Yesusino la ato Una wafokumu de wagahoko ma owa Ma Jouiye ma titi ona. Masara o Yesusu iwinii-niiki ona yataere manga dimonika ato, “Ei, ko idadiua ma ngofa-ngofaka naa niaoika ma guruika, done iwiruwae!”

Lukasa 18:15 ပူးပေါင်းရင်းမြစ်များ

Lukasa 18:16

Masara o Yesusu Una wahokino ma ngofa-ngofaka gea de wataere iwinii-niikika wato, “Nianoaika! La o ngofa-ngofaka gea yoboa Ngohino, de ufa niatumungu ona gea. Angamoi onagona dika manga hininga imaketero hoka o ngofa-ngofakoli naa manga hininga ma dodipokouku, de gea ona abe Ma Jou wadafongo de wahikoano ona.

Lukasa 9:54

De abe ma oraha o Yakobusu de o Yohanese yoihene ma titi o Samaria ma nyawa manga ngongoluku gea de yotemo o Yesusika ato, “Mia Baluhu, nako Ngona ka nomodeke, koaho irahai ngomi migahoko o uku o Horogaka de manga kaponguku la yahikokibinaaha ona gea.”

1 Samuele 1:24

Ho ipaha o Samuele ai lamoko adono abe ka idadi womatingaka ngoi memeino de ahao o ngo Hana miao Ma Jou o Yawe ai Tauika ngaro una duru ka o ngofakohi. De manga huhuba ma kiahonanga utuoli yao abe naga manga hapi ma nauru ma taongo hange ibooto, de naga o gandumu ma ngedere abe idadioka o tarigu ma alu-aluhu ngade-ngade o supa monaoko de hinooto. De nagali o angguru ma teongo o ngi moi iomanga de manga ngi gea abe manga biaha yodiai o kabingi ma kaiino. De mata-mata gea yao ma oraha ona yoiki Ma Jou o Yawe ai Tauika abe o Silo ma kotaka.

1 Samuele 1:25

De yomahiadonoka Ma Jou ai Tauoka de manga huhuba o hapi ma nauru gea yomahihubaka de ahao manga ngofaka o Samuele gea iwingotaka o Elika.