Lukasa 17:6 - Ma Jou ai Demo-demo o Totobelohoka

⁶ De manga Baluhu wopaluhu wato, “Nako naga ti ngini nia ngongaku ngaro ahao ma eteteke hoka o sawi ma mui ma mengeteke, gea niakunu niahuloko o gota ma amoko naa ma roehika niato, ‘Nomarafuku de ani ngutu-ngutuku ka ma moi ho nomagoraka de ahao nomadatomoli o gahiuku!’ De gea niahuloko ibooto de inihingounu, iti naga de nia ngongakuokau!”

Lukasa 17:6 ပူးပေါင်းရင်းမြစ်များ

Matiusu 14:29

De o Yesusu wipaluhu wato, “Ka idadi noboa notagi-tagi Ngohino.” Ho o Peturusu wouti o ngotiroka de wauku o ngooto ma lokuika de womulaenge wotagi-tagi abe ai dumutu o Yesusika, de una ko wolutua!

Matiusu 17:20

De o Yesusu wopaluhu wato, “Mangale ti ngini nia ngongaku ka ikurangohi. De naa tagou-goungu tinihingahu, abe nako ti ngini nia ngongaku naga, gea ahao ngaro o kangela eko o dadaili kohaamoko niaohana nia wowangoka masara gea nia ngongaku Ma Jouika ena gea ka idadi ihikala enangika. Abeika naa tohiketero. De nako ti ngini nia ngongaku naga, ngaro ma eteteke dika nia ngongaku abe imaketero hoka o sawi ma mui ma mengeteke, masara nia ngongakuino gea ka idadi niakunu niahuloko o loku ma amo-amokika gea la imagoraka de imaturuuru o ngi moiikali, de ma loku gea kiani inihigihene. Ho gea duru ko iwa abe ngini ko niakunua nidiai, iti ngini naga de nia ngongakuoka.” [

Matiusu 21:21

De o Yesusu wotemo wato, “Naa tagou-goungu tinihingahu. Abe nako ngini naga de nia ngongakuoka de ko idomo-domoua, gea ahao ka idadi nginioo nidiai o heheranga ma datoro abe imaketero hoka nenangoli todiaioka. De tanu utuohi ilamoko ma heheranga ahao ngini niakunu nidiai nako de nia ngongakuoka. Abe ngaro ngini niahuloko o lokuika gea niato, ‘Nomagorakoka de nomahidulutuoka o gahiuku!’, de gea ahao idadi nako de nia ngongakuoka.

Maruku 4:31

Marai hokonaa ma hiketero. Naga ma mui moi, o gauku ma mui, abe ihiromanga o sawi, de ngini nihiorikoka nako o gauku ma mui mata-mataika, ka enangohi duru ieteke. Ho o sawi ma mui gea yodatomo.

Maruku 9:23

De o Yesusu wato, “Mode ngona nohileha nato, ‘Nako Ngona ka nakunu?’ Angamoi o kia dika o nyawa yomagahoko Ma Jouino, gea mata-mata ka wakunu wodiai, iti o nyawa gea iwingaku Unangika.”

Lukasa 13:19

Marai hokonaa ma hiketero. Naga o mui moi, o gauku ma mui, abe ihiromanga o sawi, de ngini nihiorikoka nako o gauku ma mui mata-mataika, masara ka enangohi duru ieteke. Ho o sawi ma mui gea womatengo wodatomo ai redioka. De ipahaino de iwangoiye ka hiadono idadi o gota. De mangale ma titi ma jaga hatoli ilago-agomo ho hiadono o totaleo iboaino de imaigutu ma gota ma jagaka. De hokogenangoo idadi abe ma oraha Ma Jou wahikoano ai nyawaika.”

Lukasa 17:7

De ahao ma titi moioli o Yesusu wadotoko onangika wato, “Abeika nimafikirohi naa moi. Abe nako naga ti ngini nia gilaongo womatengo de una wokarajaanga nia redioka eko nia domba wotobagoana. De ipahaino una ma hoanoka de waino wowohama nia tauino. Sarakia, ka de wowohamino de ngini niwiahoko niato, ‘Nainohi nogogeruku la nolomo’? Koua! Hokogenangua nia demo unangika!

Lukasa 19:4

Ho una wosoboka womapopaata o nyawa yowoe-woe manga himangoka abe naga ma ngekomoka gea o gota moi. De o Sakeusu una womajai-jai wodoa ma gotaiye la ka idadi wimake o Yesusu ma oraha woboa de witilakuru ai timiuku.

Lukasa 7:13

Ho ka de o Yesusu womimake o ngo bao gea de ai hiningaka duru iwilufungu de o dora ma hiokoo ho woiki munangika de womitemo wato, “Ibootohi noari.”

Lukasa 7:19

De wahokino de wahibehehongo wato, “Ngini kiani niloiki niwitutumu o Yesusu de niwileha Unangika niato, ‘Sarakia, Ngona naa nagou-goungu to ngomi mia Behehongo abe ma dodihiraino de Ma Jou womihibehehongoka? Eko koaho womatengoli ngomi wiwilingiri abe Una wodadi mia Behehongo Ma Jouino?’”

1 Korintusu 13:2

De ngaro ngohi ihilufungu de to Una ai kuaha hiadono ka idadi tahingahu o nyawaika Ma Jou ai hingahu ma demo, eko ngaro Ma Jou ai dogogono mata-mata ngohi tohiorikoka, de ngaro hiadono o tobahioriki mata-mata nagau ngohioka, ma nako o dora ko iwa ngohioka, gea ahi hiakunu mata-mata duru parahaja dika. Eko nako ngohi duru de ahi ngongakuoka hiadono o loku moi tahuloko enangika de ma loku gea imaturuuru o ngi moiikali. Ma nako ngohioka o dora ko iwa, ngaro ahi ngongaku hokogea ma amoko, ma, ngohi naa ko kia-kiaua.