Lukasa 17:5 - Ma Jou ai Demo-demo o Totobelohoka

⁵ De ahao o Yesusu ai hidingoto ma nyawa iwitemo Unangika ato, “Mia Baluhu, duru migahoko la Ngona nohidogo mia ngongakuika la utuohi iputurungu!”

Lukasa 17:5 ပူးပေါင်းရင်းမြစ်များ

Maruku 6:30

De ipaha de o Yesusu ai hidingoto ma nyawa abe naa ma duruino wahidingotoka yahohinooto, ona gea yokokilioino de yomatoomuino o Yesusoka. Yomatoomuino de yoade-ade Unangika mata-mata abe hokokia manga dodagi ma goronaka yodiai de yodotoko.

Maruku 9:24

Ka de wotemo ibooto de ai baba wopoaka wato, “Ahi Baluhu, ahi ngongaku naga, masara ka ikurangohi. Ho ngohi tomagahoko la nohiduhunu la ahi ngongaku ka idogo iputurungu!”

Lukasa 7:13

Ho ka de o Yesusu womimake o ngo bao gea de ai hiningaka duru iwilufungu de o dora ma hiokoo ho woiki munangika de womitemo wato, “Ibootohi noari.”

Lukasa 7:19

De wahokino de wahibehehongo wato, “Ngini kiani niloiki niwitutumu o Yesusu de niwileha Unangika niato, ‘Sarakia, Ngona naa nagou-goungu to ngomi mia Behehongo abe ma dodihiraino de Ma Jou womihibehehongoka? Eko koaho womatengoli ngomi wiwilingiri abe Una wodadi mia Behehongo Ma Jouino?’”

Filiipi 4:13

De ma titi o kia hiadono ka idadi toriidi? Ngohi ka tapoa toriidi angamoi ma buturungu o Kristusoka de aino wohihidoaka. Ho ngaro o kia dika naga iboa ngohino, ma, ngohi ka tapoa tolaku angamoi naga ngohioka ma buturungu gea abe Una wohihidoaka ngohino.

2 Tesalonika 1:3

Mia gogianongoru, ngomi nenangoka ka ihikaika mitarimakase Ma Jouiye ma titi ngini, angamoi gea miihenoka abe ngini nia ngongaku Unangika ka idogo-dogo de nagali nia doraoo ma idogo hiadono ngini duru nimakodora. Ho gea ma titi nia ngongaku de nia dora gea hiadono ngomi miato duru itaana abe miato kiani ngomi naa mitarimakase Unangiye ma titi ngini.

Ibarani 12:2

De gea nanga popaata ma goronaka de kiani ka ihikaika homalega ka o Yesusika dika, angamoi Una gea ka idadi hihiromanga hato Una to ngone nanga ngongaku ma lifunu de ma dekaroo. Abe ma romanga gea ma titi hokonaa. Nako to ngone nanga ngongaku gea imulaenge Unangoka. De nako ahao ma oraha nanga roreebe ma batingika homahiadonikaka, Unangoo naga genangoka la ka idadi nanga ngongaku duru wohingodu-ngodumoka abe ma oraha homahiadono Unangika. Ho ngone naa ka idadi homaaduru abe hoka o Yesusoli ai hininga, angamoi Una ma dihiraino de ngaro o himaleke wohimanga abe kiani wohonenge o gota isosalioaka, masara ko iwitukorua de gea ena ai ngekomino. De gea Una ka wogila-gila dika de ai dongohono ka hiadono womahiadonika ma batingika angamoi genangoka de ahao wamake ai hadia o garago ma amoko Unangika. De gea womahiadonika de ahao wogogerukuoka Ma Jou o Baba ai kadera ma hohailoa ma nirakoka la genangoka Una de ai Baba yokoano.