Lukasa 17:20 - Ma Jou ai Demo-demo o Totobelohoka

²⁰ De o wange moiukuoli o Farisi manga doomuino ma nyawa yamuruono naga iwileha o Yesusika ato, “Muruonoka de ahao Ma Jou duru wahikoano ai nyawaika?” De o Yesusu wopaluhu wato, “Abe ma oraha ai nyawaika wahikoano Ma Jou, gea ko idadiua hamake de nanga lako.

Lukasa 17:20 ပူးပေါင်းရင်းမြစ်များ

Sakaria 4:6

Ho una wohitararono ngohino wato, “Gea ena ihitunguu Ma Jou o Yawe ai Demo abe wihingahu o Serubabelika o hiketero abe ma titi ai karajaanga ma oraha wodiai Ma Jou ai Tau. Abe Ma Jou wato, ‘Ahao idadi ko ma titiua o buturungino, de hokogenangoli ko ma titiua o kuahaino de idadi. Masara gea ahao idadi de duru ihititi to Ngohi ahi Womahino dika.’ De hokogea Ma Jou o Yawe abe duru Wokokurutiye wotemo.”

Lukasa 10:11

‘Naa ngomi mininoaika nia kapongo, masara ihira mia lou mihieheoka la nia kapongo ma tonaka ma kuhuhunu gea ireroka. De gea idadioka abe o hohowono ma dodunguu nginika angamoi ko nimidafongua ngomi. De ufa ngini niawohanga abe ma oraha itigioka la Ma Jou wahikoano ai nyawaika ho gea nia hohowono enangoo itigioka!’ Hokogea ngini niahingahuohi de ahao nihupu dika ma kapongino gea abe inioluku nginika.

Lukasa 14:1

De o Hiaini ma wange moiokali de naga o Farisi ma nyawa manga hihira womatengo abe una wiahoko o Yesusu la woboa ai tauika la yomakutuono yolomo genangoka. De naga manga ngoe genangoka abe duru iwigoana la ka idadi ihititi ai datorino moi hiadono iwitaoko de iwiurusu.

Lukasa 16:16

De ahao o Yesusu wahihohininga abe ma titi hokokia yodiai la Ma Jou wadafongo onangika, ho Una wato, “Ma dihirainohi de o Musa ai Pareta de ma hingahu abe Ma Jou ai uru ma dodofangino iboa, ena gea abe Ma Jou winihidoaka la wato inihihira-hira Unangika. Masara ipahaino de ahao o Yohanese Wotobaohi-ohiki woboa. De unangoka de imahikaika de o Abari ma Rorahai abe ma titi hokokia Ma Jou wahikoano ai nyawaika, ena gea abe ihitobahingahu-ngahu o nyawaika la yahihira Unangika. De ma oraha naa o nyawa manga ngoe yotoihene enangika de duru yomaribuutu la ato yomahidadi to Una ai nyawa.

Lukasa 19:11

De ipahainoli de naga o nyawa yotoihene o Yesusu ai demoino. De ahao wohidogo wadotoko de o hiketero ma ade-ade, angamoi ona hatoli yotigika o Yerusaleeme ma kotaiye. De ona manga ngoe ato bote ma oraha yomahiadoniyeoka o Yerusaleemiye de ahao imulaengoka abe Ma Jou wahikoano ai nyawaika. De gea ma titi hiadono ai hiketero ma ade-ade wahidoaka, la wahingahu onangika abe ma oraha ko yadonuahi abe ai nyawa Ma Jou wahikoano. De Una woigo wahingahuoo abe ma titi kiani yowango hokokia ma oraha Una wosoboka de ko woliouahi o duniauku.

Yohanese 18:36

De o Yesusu wihingahu o Pilatusika wato, “Ahi kuaha ko o duniakaua de aino la hiadono ka idadi o nyawa tahikoano. Angamoi nako hokogea ahao naga ahi gogoana ka idadi yapoa ihiduhunu la ufa ahi gogianongoru o Yahudi ma nyawa naa ihitaoko hokonaa. Masara to Ngohi ahi kuaha ko o duniainoua, ma, o ngi moiokali de aino hiadono ka idadi o nyawa tahikoano.”