Lukasa 17:10 - Ma Jou ai Demo-demo o Totobelohoka

¹⁰ De hokogenangoo ngini naa, abe ngini nidadioka to Ngohi ahi gilaongo. Ho ma oraha nihihingounu ahi demoino de ufa nionganono la Ngohi totarimakase nginika. Hokogenangua, masara gea koaho niato, ‘Ngomi naa ka o gogilaongo dika, de abe midiaioka gea mihingodumu dika abe imihitagongoka ngomino.’” Hokogea o Yesusu ai dodotoko ma demo.

Lukasa 17:10 ပူးပေါင်းရင်းမြစ်များ

Yesaya 6:5

De gea mata-mata tamake de toihene de ahao totemo tato, “Adoo, ngohi naa tokangelaka, de maraioka ihibinaahaka naa! Angamoi ngohi naa o tobahowono ma nyawa. Ahi uru ipeseke dika ma titi ahi demoino de totobahowono. De ngaro ahi gogianongoru ahi tonakoka ma onangoo manga uru ka ipeseke dika ma titi manga howo-howono. De ma oraha naa timakeoka de ahi lako hinooto nanga Koano, Ma Jou o Yawe abe Una wahipareta o Horogaka ma tentara mata-mataika. Ho igoungu ngohi naa tokangelaka!”

Matiusu 25:30

“‘De abe ma titi naa una ahi duduhunu abe ko kia-kiaua iwidaene de ai tagongo ka parahaja dika, ngini niwiaoika de niwiumo ai hohowono ma ngiika abe duru kohamofufutu genangoka. Abe onagona dika genangoka ahao yopoa-poaka ma amokiye de manga ingiri ka ihikaika ihidokagoli ma titi manga odiri ko apoaua.’” De hokogea o Yesusu ai hiketero ma ade-ade abe wadotoko iwinii-niikika. De hokogea wahingahu la wahigaro onangika wato ona ka ihikaika yao irahai manga tagongo Unangoka de aino ka hiadono Una woboali.

Lukasa 17:11

De o Yesusu ona yogila-gilali abe manga dodagi o Yerusaleeme ma kotaika, de naa yomahiadonoka o Galilea ma tonaka de o Samaria ma tonaka ma hiribatingino.

Lukasa 17:9

De ai karajaanga wabootoka de ngini tanu ngaro ufa dika de niwitarimakase unangika, angamoi una gea ai tagongo dika wohingodumu.

Roma 11:35

De imaketero hoka Ma Jou ai sosawaro de ai tobahioriki duru kohagurutiye, hokogenangoo to Una ai hininga ma dora la wonahidoaka ngoneino. Abe ai Demo-demoka de itemo ato, “Una gea o hidoaka mata-mata ma titi Unangoka, de ngaro o kia dika naga, masara gea duru ihira iboa Ma Jouoka de aino. Ho mode o nyawa onagona naga abe ka idadi iwihidoaka moi Unangika la manga hidoaka gea ihititi onangoka de aino? Gea duru ko iwa! Ho mangale ma titi ko idadiua hahidoaka moi Unangika, ho duru itararono abe Ma Jou duru ko iwa ai nagimi ngone o nyawaino.”

Roma 3:12

De nagali itemo, “De o nyawa mata-mataika iwiporetoka Ma Jou de ko iwihingounokaua. Ho ona mata-mata manga hininga ka parahaja dika Ma Jou ai himangoka. De duru ko moiua o nyawa abe yotobadiai ma rorahai. Ma duru moioo de ko iwa!”

Filemono 1:11

De igoungu abe ma dihiraino de una gea ai karajaanga parahaja ngonaka, masara una gea ma oraha naa ko hokogenangokaua abe hoka ma dihirali, angamoi naa naga de una ka idadi wohiboa ma utumu ma amoko ngonaika abe ma titi una ka idadi nihikarajaangoli ngonaka. De ko ngonaikaua dika, masara ngohioo ka idadi tamake ma utumu unangino.