Lukasa 16:25 - Ma Jou ai Demo-demo o Totobelohoka

²⁵ “De o Abarahaama wipaluhu wato, ‘Ahi ngofaka, abeika nomahohiningahi hokokia ani wowango ma dihiraino! Abe ma oraha ngona ka nowangohi de ka ihikaika ngona namake ma rorahai dika ani wowangoka, masara o Lasarusu ka ihikaika ma dodorou dika wamake unangika. Ho naa una wamake o sosanangi ma lolaru nenangoka, masara ngona gea ani kokangela inidaenoka. De gea ho ko itiaiua toniduhunu ngonaika.

Lukasa 16:25 ပူးပေါင်းရင်းမြစ်များ

Matiusu 27:63

De ona yotemo ato, “Mia gubernuuru, ngomi miongano-nganono wotobaelu-eluku gea o Yesusu ai demo moi abe ko wohonenguahi de womahingahu wato, ‘De ngaro tohonengoka masara o wange hange dika ipahaika de tomomikokali.’ Hokogea Una womahingahu.

Maruku 9:45

De nako ma titi ani lou dika inihitagi la genangoka naika de norehene Ma Jouino, gea ho ani lou nafokoka dika. Koaho inihiluguoka la idadi ani toba genangino de ahao namake o wowango. Masara nako kiani iniumouku o Narakauku, genangoka ngaro nagahi ani lou ma gahumu, ma, done o kiaka ma utumu namake ani louino?

Lukasa 16:20

Masara naga womatengoli ai romanga o Lasarusu, abe una iwiharaana ho ai badanga ma amokika naga ai nabo-nabo. De una womaidu-idu dika abe wokaya-kaya ai tau ma dadaduhu ma ngorana ma poretoka,

Lukasa 16:23

Masara wokaya-kaya to una ai jiwa naga o Naraka ma goronaka de duru wokangela ma titi duru kohahauku. De ahao una womamatagaiye de wamake o Abarahaama abe ko ai gurutika de o Lasarusu unangoo genangoka o Abarahaama ai datekoka.”

Lukasa 16:26

De hongoli to ngone nanga hidogoronaka naga o rorenge duru kohaamoko. De ma rorenge naa Ma Jou wakelenga la ngaro onagona dika yoigo nenangoka de yosobo ato nginika yoiki ma ko idadiua. De ngaro onagona dika nginioka nioigo niboa ngomino ma duru ko idadiua nimiadonino. Ho gea duru ko idadiua homakadono.’”

Lukasa 6:24

De o Yesusu wogila-gila wadotoko wato, “Masara hiokoo ngini abe de nia tiwi-tiwioka ma titi nia hininga duru itagi ilamoko nia kiahonangika. Angamoi ngini gea niamake ma rorahai dika ma oraha naa, masara ahao dokengika de o kokangela dika ngini niamake.”

Yohanese 16:33

“Ahi hingahu mata-mata naa tinihingahu nginika la ti nginioo nia hininga de ma miriidi angamoi nigogere Ngohioka. Ho nia miriidi gea naga ngaro nigogerohi o duniaka naa, de ngaro kiani o huha niamake. Ho ufa nia hininga aliko o huhaika gea! Kiani nikokisanangi dika! O dunia ma kangela naa Ngohi tohikalaka la nginioo ka idadi nilaku.”

Hidingoto 14:22

De ma kota-kotaka gea de duru yahipoputurungu o ngongaku ma nyawa manga hininga mata-mataika. Abe ona yahitobahigaro la ka ihikaika o ngongaku ma dodotoko yatobanii-niiki enangika. De yahihohininga onangika ato, “Ngone hingaku-ngakuoka ko ma titiua nanga wowango ma goronaka de ma rorahai dika ka ihikaika hamake. Masara kiani nagaoo o kokangela abe haohana. De abe ma kokangela hohimangoka de ahao ika-ika hohapongo dakuiye la Una ka idadi wonahikoano ngone ai nyawa.” Hokogea manga higaro onangika.

Roma 8:7

De gea ona abe manga hiningaka aomanga de manga badanga ma hafini ma dorou, ona gea tanu iwimusu Ma Jouika. De to ona manga hiningaka de ko iwa manga hingounu Ma Jou ai Paretaika, ho hongoli yaniiki enangika gea duru ko yakunua.

Filiipi 3:19

De ona gea ahao kiani manga bobaha yamake, abe yahohowono ka hiado-adonika. To ona manga badanga ma hafini, genangika yomahijou, abe ka ihikaika manga horoodo yomahidailako. De o dorou o kia dika abe o nyawa utu yodiai de ka yomahimaleke, ma masara ona gea yodiai de ona ka yomahigiriiri dika, angamoi ona ko yamaokaua o maleke. De manga hininga ma dumutu duru itagi o kiaika naga o duniaka naa. Ho ona gea hokogea dika manga wowango.

1 Tesalonika 3:3

done nginioka naga abe nirehene nia ngongakuoka de aino ma titi abe ma oraha naa naga idadioka o nyawa inihikangela nginika. De gea igoungu ngini ma hirete nihiorikoka abe ngone hingaku-ngakuoka gea o kangela kiani ngone hohimanga.

Ibarani 11:25

Masara gea de ahao womangiriki ai wowango ma ngekomo wato ufa o hijai-jai dika ma sosanangi waniiki abe gea iboa o howono ma hofokino, masara koaho iwihikangela de de ai gogianongoru idodutu abe Ma Jou ai nyawa.

1 Yohanese 2:15

De naa ngohi tinihitiari moi nginika, tato, ufa ngini niodora o duniaika naa de ufa niohafini to ena ma kiahonangika. Angamoi onagona dika yodora o duniaika, gea ona ko iwidoraua Ma Jou o Babaika.

Himatoko 7:14

De gea ngohi topaluhu tato, “Ahi dimono, ngohi ko tahiorikua, ho marai ngona nahioriki.” De ahao ma dimono gea wohihitararono ngohino wato, “Ona gea abe o kokangela duru kohagiria ma gogoronaka de aino yokokihupu. De to ona manga howo-howono akokiofioka ma titi o Domba ma Ngofaka ai awunino ho hiadono ona gea duru yotebi-tebinoka, de gea imaketero abe hoka o baju yafokaka ho duru iarehoka o baju gea.