Lukasa 16:21 - Ma Jou ai Demo-demo o Totobelohoka

²¹ angamoi una wongano-nganono wato marai iwihidoaka o inomo ma hou abe ipuraraha wokaya-kaya ai mejaino. Masara gea ko kia-kiaua wamake. De abe hongoli itorou, o kaho itobaboa unangino de yongale-ngaleme ai nabo-naboika. Ho una duru wokangela.”

Lukasa 16:21 ပူးပေါင်းရင်းမြစ်များ

Matiusu 15:27

De muna mataoko ai demoino ma titi abe wahiketero ona ko o Yahudi ma nyawaua hoka o kaho, ho gea momagahokoli mato, “Ahi Baluhu, igoungu, masara ngaro o kaho, ma naga utu o inomo ma hou abe ma dutu ma mejaka de auku itifa-tifauku de gea ena ngomi o kaho ka idadi miaolomo. Ho bote ka idadiohi Ngona nohiduhunu.”

Maruku 7:28

De mogahokoli Unangika mato, “Ahi Baluhu, igoungu, masara ngaro o kaho, masara o ngofa-ngofaka manga inomo ma hou naga utu o mejaka de auku itifa-tifauku de gea ena ngomi o kaho ka idadi miaolomo.”

Lukasa 16:20

Masara naga womatengoli ai romanga o Lasarusu, abe una iwiharaana ho ai badanga ma amokika naga ai nabo-nabo. De una womaidu-idu dika abe wokaya-kaya ai tau ma dadaduhu ma ngorana ma poretoka,

Lukasa 16:22

“De ika-ika de o huha ma nyawa gea wohonenge de Ma Jou ai momalaekata iwiao nanga tofora o Abarahaama ai datekika o Horogaka. De ipahainoli de wokaya-kaya unangoo wohonenge de iwilungunu.

Yohanese 6:12

Ho naa yakokipunuhoka de o Yesusu wahulokoli iwitobaniikika wato, “Kiani o roti ma bela-belaka ma hou gea niagorakiye la ufa hiadono o inomo gea parahaja.”

1 Korintusu 4:11

De ka hiadono ma oraha naa naga ngomi duru imihafini de mia ngomaha yodudungu de mia baju ikuranga. De ngomi naga imipoha-poha, de midadioka hoka mipoparadidu.

2 Korintusu 11:27

De ngohi tomamaoka ahi karajaanga ma dubuho hiadono ahi badanga ma buturungu ko iwaka, de ma ngoe ihihidetebiniye hiadono o giooko ko tamakeua. De ma ngoe duru ihihafini de ahi ngomaha yodudungu, abe ahi inomo ko ihiwedonua ho ka tomatongohono dika ahi hafini ma goronaka. De nagali abe duru ihimaata angamoi ahi baju de ahi ngoere ko iwa la tomakorobitino.