Lukasa 16:20 - Ma Jou ai Demo-demo o Totobelohoka

²⁰ Masara naga womatengoli ai romanga o Lasarusu, abe una iwiharaana ho ai badanga ma amokika naga ai nabo-nabo. De una womaidu-idu dika abe wokaya-kaya ai tau ma dadaduhu ma ngorana ma poretoka,

Lukasa 16:20 ပူးပေါင်းရင်းမြစ်များ

Higiriiri 34:19

De igoungu ngaro o nyawa manga wowango yao itiai, Ona yaohana o kokangela irupa-rupa ma ngoe, Masara Ma Jou o Yawe naga onangoka de Una wolaku-laku mata-mataika, Ho manga kangela homoi-homoiino Una wahihupu.

Matiusu 26:71

De ipaha ahao o Peturusu una o loa ma ngoranoka de naga moboaino o ngofeka momatengoli abe munangoo o huhuloko ma nyawa. De muna gea mimake o Peturusu ma ngoranoka de ahao onangika abe yomatoomuino genangoka mahingahu mato, “Una naa maraioka to Una ai dodiawo abe o Nasaretoka ma nyawa gea abe iwihiromanga o Yesusu.”

Lukasa 16:19

De ahao o Yesusu wogilio ai dodotoko ma dihira ma demoika abe wadotoko ma titi ufa hiporete Ma Jouika la o dunia ma kiahonanga hohitihira nanga wowangoka. De Una wotemo wato, “Ma moiuku naga womatengo wokaya-kaya, de una gea ka ihikaika womahinoauku de o baju ma hohailoa de ma hali-hali, de o wange-wangeiye una wolomo o inomo duru ma rorahai de womahisosanangi dika.

Lukasa 16:21

angamoi una wongano-nganono wato marai iwihidoaka o inomo ma hou abe ipuraraha wokaya-kaya ai mejaino. Masara gea ko kia-kiaua wamake. De abe hongoli itorou, o kaho itobaboa unangino de yongale-ngaleme ai nabo-naboika. Ho una duru wokangela.”

Yohanese 11:1

Naga o Yesusu ai dodiawo womatengo iwigogama ai romanga o Lasarusu. Una wogogere o Betania ma kapongoka de naga ngoi firanga yahinooto manga romanga o ngo Marata de o ngo Maria. De ona o ria-dodoto yogogere o tau moioka.

Hidingoto 3:2

De abe ma oraha yomahitigi Ma Jou ai Tauika de naga womatengo wolugu-lugu wogogere Ma Jou ai Tau ma ngoranoka abe ihiromanga ato ma ngorana ma hohailoa. Angamoi o wange-wangeiye ai dodiawo iwiao de iwikelenga ma ngoranoka gea la ka idadi o tiwi womagaho-gahoko o nyawaino ma oraha yowohama Ma Jou ai Tauika. De wolugu-lugu gea ai lou womahidoboainohi, ho duru ma dekanoka woluguku.

Yakobusu 1:9

De nako nanga gogianongoru abe manga wowango ma gogere itipokouku, ona gea ka idadi manga hininga duru isanangi angamoi ona duru ihioriki abe ma titi manga gogere o Kristusoka gea ikokurutiye.

Yakobusu 2:5

Ahi gogianongoru abe duru tinidora nginika, abeika ngini nitotoihene ahi demoino naa. Nako ngini niahitipokouku o huha ma nyawaika, gea duru ko to Ma Jouua ai hininga ngini nianiiki. Angamoi nako Ma Jou ai hininga, Una wairikoka o huha ma nyawa o duniaka naa la ma titi manga ngongakuino de ona yodadi o nyawa abe duru de manga utumoka. De ona gea Ma Jou wahigogere to Una ai kuahaka la ahao Una wahikoano onangika, de gea duru imaketero abe hoka ma dodihiraino wohibehehongoka wato onagona dika yagou-goungu iwidora Unangika de ona gea ahao yogogere to Una ai kuahaka.

1 Samuele 2:8

De ona yomanoa o huha ma ngioka wagorakino la waduhunu, De ona yomanoa o hohedu ma ngioka wahihupu genangino, De wahigogere o kokoano manga ngofa-ngofaka manga hidogoronaka, De hiadono yamake o kadera abe de ma horomatioka. Hokogea igoungu Ma Jou o Yawe ai kuaha mata-mataika, Abe o duniaoo igogere Ma Jou o Yawe ai kuahaka.