Lukasa 15:23 - Ma Jou ai Demo-demo o Totobelohoka

²³ De nimataiti niloiki de nialeino ma hapi ma ngofaka moi gea abe nengokadauinohi hahiolomo irahai la duru ma haki ipirini, de gea ninadoma la idadi to ngone nanga rame-rame ma inomo. De bootino abe imahidiaioka de ngone mata-mata hohirame-rame de hogogarago!

Lukasa 15:23 ပူးပေါင်းရင်းမြစ်များ

Dodadi 18:7

Hokogea womihingahu ibooto de ahao o Abarahaama womapopaata ai hapi ma duduonika de wairikino o hapi ma ngofaka ka ma goohi abe duru ma roehe ibole. De wairiki ipaha de ma hapi gea wohidoaka womatengoika ai duduhunika. De ai duduhunu gea unangoo womataiti wokarajaanga abe ma hapi gea watoma de watetoroka de ma roehe walui-luituku la ka idadi itaiti yahakai.

Sosawaro 15:17

De ngaro o mejaka de naga o aewani ma roehe de ma haki duru ilamoko, masara nako o dohata ilaku ma tauoka, gea duru hokangela. Ho koaho nanga inomo ka o hiode dika, abe iti ka idadi homakodora o tau ma goronaka.

Sosawaro 9:2

De muna mahidiai o ngolo-ngolomo duru ma amoko abe ami duduonino ma roehe duru kohaamoko abe mahidiai. De o nyawa manga ngokeroo duru imuti-mutiti hoka o angguru ma teongo ma gohaka abe masapu-sapuroka. Ho ami ngolo-ngolomo ma meja muna duru mohidiaioka.

Yesaya 25:6

De dokengika abe ma oraha adonoka de o Siono ma lokuoka naa de Ma Jou o Yawe Wokokurutiye ahao wahidiai o ngolo-ngolomo ma amoko duru ma rorahai. Abe ai ngolo-ngolomoka gea de wahiolomo o dunia ma nyawa mata-mataika de ma roehe de ma hakioka de ma ngokere gea o angguru ma gohaka ma teongo duru ma rahai. Ho ma inomo de ma ngokere gea ngaro mata-mataika masara duru ka enangohi ma jame de ma rorahai.

Lukasa 15:22

“Masara ai baba ka wahuloko ai duduhunika wato, ‘Nimataiti niaoino ahi baju ma biri-birini abe ka enangohi ihohailoa de niwihinoauku ahi ngofakuku. De niaoino o ali-ali la womahinoaoko ai hagaraaraka la genangino de tohitunguu abe una tidafongoka. De o sandaala enangoo niaoino la ka idadi womahisandaaliye.

Lukasa 15:24

Angamoi to ngohi ahi ngofaka naa ma dihiraino de imaketero wohonengoka masara naa imaketero wowangokali, de abe iwihihangoka masara ma oraha naa de timakeokali!’ Ho ma hidiai gea ai duduhunu yabootokahi de ahao ona mata-mata ihirame-rame abe ai ngofaka woboali.”

1 Samuele 28:24

De ma oraha gea ma ngofeka ami tauoka naga ami hapi o dutu moi abe duru ikutufuru. Ho muna momataiti maluiti ma hapi gea la ka idadi mahakai. De nagali ami tarigu, ho male genangino de mohidoojo de ahao maharongo la naga o roti abe ko iwa ma ragi.