Lukasa 14:24 - Ma Jou ai Demo-demo o Totobelohoka

²⁴ De ona abe yohira-hira tahoko masara ko yoboaua, ona gea ahao ko moiua ahi ngolo-ngolomo ma inomo yamake.’” De hokogea o Yesusu ai hiketero ma ade-ade abe ma titi hokokia idadi ma oraha Ma Jou wahikoano ai nyawaika.

Lukasa 14:24 ပူးပေါင်းရင်းမြစ်များ

Matiusu 22:8

“De ipaha de ma koano wotemo ai duduhunika wato, ‘Ma gogilaka ma rame-rame ihidiaiokau, masara ma nyawa abe nengokadauino tahokoka ona gea ko idadiuali yoboa ma titi manga hininga ko itiaiua.

Lukasa 14:23

“De ahao ma dutu wato, ‘Nako gea ngona o kotaino nohupu ma hoanika de nahoko o nyawa onagona dika abe nimakamake. Abe kiani nalingiri o nyawa abe ngaro o ngeko-ngekomoka de o dadaduhu ma timi-timiuku la mata-mataika nakokiahokino. Angamoi ngohi toigo la o nyawa duru ko manga ngoe yaniiki hiadono ahi tau ma goronaka de ko iwaka ma ngi.

Lukasa 14:25

De ma oraha gea naga o nyawa duru ko manga ngoe iwinii-niiki o Yesusika. De Una womadogilioro de wotemo onangika wato,

Yohanese 3:19

Hokonaa ma titi manga hohowono gea: angamoi o dararono ma gou-goungu Ma Jouino iboakau o duniauku, masara o nyawa nako o dararono de o fufutu ka o fufutuohi yoigo mangale gea ona yodiaioka itorou.”

Yohanese 3:36

Onagona dika ka de iwingaku Ma Jou o Ngofakika de gea yamakeokau o wowango ma ngango ka hiado-adonika. Masara ona abe ko iwingakua ona ko amakeua o wowango ma ngango gea, ma titi Ma Jou ai dohata manga howonika nagahi. Ho to ona manga hohowono Ma Jou ko waofiuau angamoi ko iwingakua.” Hokogea o Yohanese ai hitararono ma titi Ma Jou o Ngofaka o Yesusu.

Yohanese 8:21

Ma moioli o Yesusu wahingahu onangika wato, “Ngohi ahao toiki tininoa de ahao ipahaino ngini duru nihilingiri masara ka nihonenge nia howono ma goronaka dika. Angamoi o ngioka abe ahao Ngohi naga genangoka, ngini ko idadiua niboa genangino.”

Yohanese 8:24

Gea ho hidutu tinihingahu tato nako ko nihingakua de ahao ngini nihonenge nia howono ma goronaka. Abe itiai tomahingahuoka de ma romanga Ngohi Naga angamoi Ngohi Ma Jouoka de taino, nako gea ngini ko niangakua, gea itaana de ahao de nia howono nihidohonenge.”

Hidingoto 13:46

De ahao o Paulusu de o Baranabasa duru de manga domoroini yaamo-amokiye yahingahu ato, “Igoungu kiani Ma Jou ai Abari ma Rorahai naa itagi ihira ngini o Yahudi ma nyawaikahi. Masara ngini naa niaolukoka ma abari gea ho nimaputuhu abe ko nioigoua o wowango ka hiado-adonika. Ho mangale ngini niaolukoka enangika ho naa ma abari gea ngomi mihidagi de miahingahu ona ko o Yahudi ma nyawaikaua.