Lukasa 14:1 - Ma Jou ai Demo-demo o Totobelohoka

¹ De o Hiaini ma wange moiokali de naga o Farisi ma nyawa manga hihira womatengo abe una wiahoko o Yesusu la woboa ai tauika la yomakutuono yolomo genangoka. De naga manga ngoe genangoka abe duru iwigoana la ka idadi ihititi ai datorino moi hiadono iwitaoko de iwiurusu.

Lukasa 14:1 ပူးပေါင်းရင်းမြစ်များ

Higiriiri 37:32

De ona yotobadiai itotorou yatobagoana o totiai ma nyawaika la ato yatoma, De yalingiri o hiaka ma titi la ato itiai yahohowono de o hohonenge.

Matiusu 12:12

De nako o domba moi de o nyawa womatengo masara duru ka o nyawahi yokurutiye Ma Jou ai himangoka. De genangino ma titi hiadono Ngohi tato ka idadi o datoro ma rorahai hodiai ngaro o Hiaini ma wangeoka.”

Lukasa 11:37

De o Yesusu wadotoko ibooto de ahao naga o Farisi manga doomuino ma nyawa womatengo wiahoko la yomakutuono yolomo. De o Yesusu womodeke ho winiiki de wowohama o tauika de wogogeruku la wato wolomo.

Lukasa 14:2

De duru genangoka naga womatengo de ai panyakeoka abe to una ai giama de ai lou ikokiloboho.

Lukasa 17:20

De o wange moiukuoli o Farisi manga doomuino ma nyawa yamuruono naga iwileha o Yesusika ato, “Muruonoka de ahao Ma Jou duru wahikoano ai nyawaika?” De o Yesusu wopaluhu wato, “Abe ma oraha ai nyawaika wahikoano Ma Jou, gea ko idadiua hamake de nanga lako.

Lukasa 20:20

De o Yahudi ma nyawa manga hohidimono gea yogoa-goana la ma ngekomo yamake hokokia iwitaoko. Ho ona iwileha-leha o Yesusika la ato wahowono ai bobaluhino. De ihititi genangino la ka idadi iwikalaki o Roma manga popareta ma hidimonika la hiadono iwitaokino o Yesusu. De ipahaino de yahidingoto o Yesusika o nyawa abe yomaaduru hoka o totiai ma nyawa abe ko iwa manga hininga ma dumutu ma dorouika.

Lukasa 6:7

De nagali o Farisi ma nyawa de ona abe yotobadoto-dotoko o Musa ai Paretaino yamuruono naga abe duru iwigoa-goana o Yesusu angamoi iwihideeoka la iwikalaki de iwiurusu o hiurusu ma ngioka. De iwigoana la ato iwidaene ma oraha watilakuru moi manga pareta de ka idadi ihititi genangino abe wahowonoka. Ho ona iwilega-lega la ihioriki nako o Yesusu ahao wihitogumu womatengoika gea abe ai giama iheluku, angamoi naa o Hiaini ma wangeoka.

Yohanese 3:1

Naga womatengo waniiki o Yahudi ma nyawa manga agama ma doomu abe ihiromanga o Farisi ma doomu. De una womatengo gea ai romanga o Nikodemusu, de una o Yahudi ma nyawa manga hidimono. Abe una wodadi manga hidimono moi yamoritumidino abe yotobauru-urusu o Yahudi ma nyawaika.

Hidingoto 5:34

Masara naga ma hihira womatengo abe ai hiningaka de ko wohimotekua ai dodiawo manga putuhu gea. De una gea o Farisi ma doomuino de ai romanga o Gamaliele. De una wotobadotoko o nyawa o Musa ai Paretaino, de o nyawa mata-mata duru iwikokihoromati unangika. Ho una womaokoiye de wahuloko la o hidingoto ma nyawa yao ma hoanika jai-jai la ka ona dika ma hihira yomakoketemohi.