De o ngekomo ma datekoka womahingahu onangika wato, “Naa hodoa o Yerusaleemiye, de o wange muruonohi naga ipahaikali de ahao genangoka Ngohi o Nyawa ma Ngofaka ihihidoaka to ngone o Yahudi ma nyawa nanga hohidimonika. Ihihidoaka onangika abe nanga hidemo Ma Jouiye manga hohidimonika de abe inatobadoto-dotoko o Musa ai Paretaino ma onangikaoo ihihidoakika. De ihiaoika de ona ahao aputuhu la ato ihihohonenge.
Lukasa 13:33 - Ma Jou ai Demo-demo o Totobelohoka33 Masara abe ma oraha naa, gea kiani tohigila-gilahi ahi dodagi de ahi karajaanga to una ai kapo-kapongoka naa. Masara ko itedekanokaua de ahao tomahiadono ma tonaka ma batingika ho tanoaika o Herodese ai tonaka de togila-gila abe ahi dumutu o Yerusaleeme ma kotaika. Angamoi duru ko itiaiua nako Ma Jou ai uru ma dodofanga yohonenge o ngi moioka abe ko o Yerusaleeme ma kotakaua! Ho Ngohi kiani togila-gila de tomahiadono ma kotaika gea la Ngohioo ihitoma genangoka!” အခန်းကိုကြည့်ပါ။ |
Lukasa 13:33
10 ပူးပေါင်းရင်းမြစ်များ
De mangale manga hidee gea hiadono o Yesusu ko idadiokaua wotagi-tagi hoka ai biaha o Yahudi ma nyawa manga hidogoronaka la ufa o nyawa iwihioriki o kiaka waika. Ho woiki o ngi moiika imakadateke de o tonaka ma kakaahaka de genangoka Una de yangimoi de yahinooto iwitobaniiki yogogere o kapongo moioka ma romanga o Efaraimi.
De o Yesusu wopaluhu onangika la ihioriki ko kia-kiaua ahao idadi onangika ma dorou nako ma oraha ko adonuahi Ma Jou wahigunoa la yamake. Abe Una wotemo wato, “Sarakia ka o wangeohi naa naga? Nako o nyawa yotagi-tagi o wange-wangeoka ngaro o kia dika naga manga dodagioka ma ko yoduhuputua. De imaketero hokogea onagona dika abe yahitararono de Ma Jou ai mau ko idadiua manga wowango ihihanga Unangoka.
De ahao o Yesusu wapaluhu onangika wato, “O dararono ko itedekanokaua naga nginioka. Ho ma oraha naa kiani niagurokahi la nitagi-tagi o dararonoka abe ma oraha ena gea nagahi nginioka, done ma oraha o fufutu iboa de inihidufutuokahi. Angamoi o nyawa abe o fufutuoka yotagi-tagi ko yomahiorikua o kiaika dika yoiki.
Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.
Ma oraha adonoka abe ngone ka idadi hodiai to Una ai karajaanga abe wohihidingotino naa. Imaketero hoka o nyawa manga biaha yokarajaanga o wangeoka masara o futu-futu ko yokarajaangua, hokogenangoo de Ma Jou ai karajaanga. Abe nako ngoneoo hodamaa la Ma Jou ai karajaanga hato hokarajaanga nanga wowango ma bahaika, gea hokokapaanga.
Abe o Yesusu Una o Nasaretoka ma nyawa, de Ma Jou wihidoaka Unangika Ma Jou o Womaha de nagali Ma Jou ai kuaha duru kohaamoko wihidoaka Unangika. De gea wihiakunoka de ahao o Yesusu wotagi-tagi abe ai datoro ma rorahai ka ihikaika wotobadiai. De o nyawa mata-mata abe o Ibilihi ma haeke yahikokangela onangika de o Yesusu wakokiduhunu manga kokangelaino gea. De gea mata-mata wakunu wodiai ma titi Ma Jou naga de de Una.”
De igoungu abe nengokadauino de ma nyawa o Yerusaleeme ma kotaka de manga hihira ona yahingodumoka Ma Jou ai demo ma dodihiraino abe ma oraha iwihohonenge o Yesusika. Abe ona ko iwihiorikua abe ma titi Ma Jou ai uru ma dodofanga ma demo mata-mata, gea iwihidumutu ka Unangika dika o Yesusika. De gea hadongoo de o Hiaini ma wange ma getongo de ona yoihene ma demo manga dodotoko ma goronaka masara duru ko iwihiorikua Unangika.
ကြော်ငြာတွေ