De ai demo gea yoihene de iwinii-niiki gea duru yokokiheranga hiadono yotemo ato, “Ou! Genangoka abe miataoko ihowono! Ngomi miato bote ona yokaya-kaya kiani yohapongo dakuiye angamoi duru ona gea abe Ma Jou wahiowa hiadono yokaya. Masara naa ngona nomihingahu nato ngaro ona yokaya-kaya ma ko yohapongua. Ho nako o nyawa yokaya-kayaoo de ko yohapongua, gea done o nyawa ko moiua la yamake o wowango ka hiado-adonika.”
Lukasa 13:23 - Ma Jou ai Demo-demo o Totobelohoka23 De ma moiuku naga abe iwileha Unangika ato, “Ahi Baluhu, marai o nyawa ko yowoeua abe ahao Ma Jou waduhunu manga howo-howonino?” De Una wipaluhu wato, အခန်းကိုကြည့်ပါ။ |
Lukasa 13:23
12 ပူးပေါင်းရင်းမြစ်များ
De o Yesusu wato, “Hokogea ahi hiketero ma ade-ade. De genangino ka idadi hamake Ma Jou ai hininga abe ahao ma oraha Una wahikoano ai nyawa. Angamoi igoungu naga o nyawa abe ma oraha naa ona manga gogere hatoli ikurutiye masara ona gea ahao wahitipokouku Ma Jou abe ma oraha ahao iboa. De o nyawa utuoli naga abe ma oraha naa ona ka yotipokoukuohi, masara ahao Ma Jou wagoraka ona gea de wahitihira la manga gogere ikurutiye o Horogaka.”
De hokogea o Yesusu ai hiketero ma ade-ade wabooto de ahao wahitararono onangika wato, “De gea ahi hiketero ma ade-ade ma demoino de ka idadi hamake abe Ma Jou wahoko o nyawa mata-mataika la yoboa Unangino, masara ko mata-mataikaua abe iwihigihene hiadono yodadi to Una ai nyawa idodutu abe ahao wahikoano ona gea.”
“Gea ufa nipusingi ma titi yamuruono naga abe wadafongo Ma Jou. Masara naa ena ka idadi nimafikirohi. O Horoga ma ngorana ieteke, ho ngini kiani nimahiribuutu la ka idadi niwohama ma ngoranika gea. Angamoi tagou-goungu tinihingahu abe ahao naga ma oraha abe o nyawa manga ngoe yoigo yowohama genangika ma ko idadiokaua angamoi yokokapaangoka.”
ကြော်ငြာတွေ