Lukasa 13:22 - Ma Jou ai Demo-demo o Totobelohoka

²² De o Yesusu wohigila-gila ai dodagi abe ai dumutu o Yerusaleeme ma kotaika. De ai dodagi ma goronaka de wotulu-tulu o kota-kotaika de o kapo-kapongika de wadotoko o nyawaika.

Lukasa 13:22 ပူးပေါင်းရင်းမြစ်များ

Matiusu 9:35

De o Yesusu Una ka ihikaika wotagi-tagi de wotulu-tulu abe o kota-kotaika de o kapongo homoi-homoiika ma tonakoka gea. De ma ngi homoi-homoioka de Una wadotoko manga dodotoko ma tau-tauoka de wahingahu-ngahu o Abari ma Rorahai abe ma titi ahao Ma Jou wahikoano ai nyawaika. De o kiaika dika woiki de o nyawa ko manga ngoe wahitogumu manga popanyakeino de manga badanga ma kokangelaino gea. Abe ngaro ma panyake eko ma kangela o kia dika naga ma Una ka wahitogumu genangino.

Maruku 6:6

De duru woheranga abe to Una ai kapongoka gea de manga ngoe ko iwa manga ngongaku. Ho ipaha de o Yesusu woiki wokapakiti o kapo-kapongika la wodotoko homoi-homoioka.

Lukasa 13:23

De ma moiuku naga abe iwileha Unangika ato, “Ahi Baluhu, marai o nyawa ko yowoeua abe ahao Ma Jou waduhunu manga howo-howonino?” De Una wipaluhu wato,

Lukasa 9:51

De abe ma oraha ka itigi moduku abe o Yesusu wogoraka wolio daku o Horogaiye de Una ai hiningaka duru womaputuhoka abe kiani woiki o Yerusaleeme ma kotaiye. Ho Una de iwinii-niiki ona yosoboka abe manga dumutu o Yerusaleemika.

Hidingoto 10:38

Abe o Yesusu Una o Nasaretoka ma nyawa, de Ma Jou wihidoaka Unangika Ma Jou o Womaha de nagali Ma Jou ai kuaha duru kohaamoko wihidoaka Unangika. De gea wihiakunoka de ahao o Yesusu wotagi-tagi abe ai datoro ma rorahai ka ihikaika wotobadiai. De o nyawa mata-mata abe o Ibilihi ma haeke yahikokangela onangika de o Yesusu wakokiduhunu manga kokangelaino gea. De gea mata-mata wakunu wodiai ma titi Ma Jou naga de de Una.”