Lukasa 13:21 - Ma Jou ai Demo-demo o Totobelohoka

²¹ De hokonaa ma hiketero. Naga momatengo o ngofeka abe o roti modiai. De muna maleino o ragi ma hohutulu dika de gea masapuru de mohidoojo de o tarigu kohaamoko abe ngade-ngade o litere moruata ma amoko. De ngaro o tarigu gea kohaamoko de ma ragi duru ma hohutulu dika mohidogo, masara gea ahao ma tarigu mata-mataika ifero ma titi ma bobero ma kuaha ma ragioka gea. De hokogenangoo idadi abe ma oraha Ma Jou wahikoano ai nyawa.”

Lukasa 13:21 ပူးပေါင်းရင်းမြစ်များ

Sosawaro 4:18

“Masara o nyawa abe yaniiki o totiai gea to ona manga ngekomo hoka o wange ipotokaiha ma dararono abe itararono ma morikotiha de ka ihikaika idogo ma buturungu ma dararono gea ka hiadono o wange ikoronaiha. De imaketero hokogea idadi nako o nyawa yapake Ma Jou ai totiai abe gea ma ngekomo la ka ihikaika idogo ma buturungu manga totiai manga wowango ma datoroka.

Matiusu 13:33

De ahao o Yesusu woade-ade o hiketero moioli onangika abe enangoo ma titi hokokia Ma Jou ai nyawa yodadi yowoe abe ma oraha wahikoano ai nyawaika. De gea o Yesusu wotemo wato, “De naa o hiketero moioli tinihingahu abe ma titi hokokia Ma Jou wahikoano ai nyawa. De naga momatengo o ngofeka abe momadiai o roti. De muna maleino o ragi ma hohutulu dika de gea mohikasapuru de mohidoojo de o tarigu kohaamoko abe ngade-ngade o litere moruata ma amoko. De ngaro o tarigu gea kohaamoko de ma ragi duru ma hohutulu dika mohidogo, masara gea ahao ma tarigu mata-mataika ifero ma titi ma bobero ma kuaha ma ragioka gea. De hokogenangoo idadi abe ma oraha Ma Jou wahikoano ai nyawa.” Ho o Yesusu ai hiketero enangoo ma titi ka imakadaene dika de abe kangano. Abe ma titi ma dodihiraka de Ma Jou ai nyawa duru ko yowoe-woeua, masara ika-ika de ahao duru yodogo-dogoli yowoe hiadono ma bahauku de duru ko manga ngoe iwingaku-ngaku Unangika.

Lukasa 13:20

De ahao o Yesusu wotemoli onangika wato, “Ka o kiali tohiketero de ma oraha abe Ma Jou wahikoano o nyawa?

Yohanese 15:2

De o angguru ma jaga mata-mata abe naga Ngohioka wogoana de nako hiadono naga o jaga moi abe ko iwa ma hasili gea kiani watobiki. De hokogea ma jaga mata-mata abe ko ihofokua wakokitobiki. Masara o angguru ma jaga mata-mata abe ihofoko gea wakabiiri de woodebini la idogo iwoe ma hofoko.

Yohanese 4:14

Masara onagona dika yokere o akere abe Ngohi ka idadi tahidoaka, gea ma moi dika yaokere de ko yopereluokaua yokere o akere gea. Angamoi o akere gea ahao idadi o akere ibubungiye manga badanga ma goronaka de genangino yomamake o wowango ma ngango ho ka hiado-adonika.”

1 Korintusu 5:6

Nginioka naga utu abe nimahigiriiri ma titi nia doomuoka ngaro naga yahowo-howono Ma Jouika ona yoboaino nia doomuino, ma, ka niadafongo dika. Masara nia hininga gea ko irahaiua. Mode ngini ko nihiorikua abe o ragi ma hohutulu dika de o tarigu ma gakomo mata-mata ka ihifero? Gea imaketero hoka o howono ngaro ma hohutulu dika nginioka ma gea ka imahora ngini mata-mataika.

Filiipi 1:6

De ngohi tohioriki abe Ma Jou winitila la wato ngini nihiduhunu ngohi, de genangoka tohioriki ngini niwihingounu Unangika. De tohioriki gea nihiduhunu mangale ma titi Ma Jou ma hirete wokarajaanga ti ngini nia kokihiningaka. De ko watogu-togumua wokarajaanga ka hiadono ma bahaika abe ma wange gea o Yesusu Kristusu woboali nenanguku. De nako ma baha gea adonoka, ahao gea ingodumoka ai karajaanga nia wowangoka.

Yakobusu 1:21

Ho ngini niatingakika nia datoro de nia hininga ma dodorou eko ma pese-peseke o kia dika abe nagahi nginioka, de nimahitipokouku nia hiningaka la nianiiki Ma Jou ai hingahu ma demo abe Una wodatomoka nginioka. Angamoi nako ai demo gea ngini nianiiki, genangino de ka akunu iniduhunu o howono ma kuahaino.