Lukasa 13:13 - Ma Jou ai Demo-demo o Totobelohoka

¹³ De hokogea wotemo de womiso munangika, de ka itodokanino motogumoka de momarikotiye abe hoka ma dihirali. De motogumoka de ahao muna duru mihigiriiri Ma Jouika o nyawa gea manga hima-himangoka.

Lukasa 13:13 ပူးပေါင်းရင်းမြစ်များ

Matiusu 9:8

Ho genangoka o nyawa manga ngoe duru yokokiheranga de yokokihawanoo abe ma titi gea idadioka abe duru to ona mata-mata manga hima-himangoka. De hiadono ona iwihigiriiri Ma Jouiye ma titi Una wihidoaka o Yesusika de to Una ai kuaha kohaamoko.

Maruku 16:18

De nagali abe ngaro o dodiha yagoraka eko o akere yarasonguku de yaokere, ma ko yadodoaua. De onangoka naga manga dodunguu moioli, abe nako naga o nyawa yopopanyakeuku de ihingaku-ngaku yafokumu onangika de ona gea ahao yakunu yahitogumu manga popanyakeino.” Hokogea o Yesusu ai behehongo iwinii-niikika.

Maruku 5:23

De womamotumuku de duru womagahoko Unangika wato, “Marai to ngohi ngohi ora, ka moetekohi ma muna ngade-ngade de mohonenge. Ho ngohi togahoko Ngona nohiniiki ahi tauino de nomiso de ani giama la motogumu ami kangelaino la ka idadi muna mowangohi.”

Maruku 6:5

Ho ai kapongoka gea ko iwa manga horomati Unangika ho ko wodiaiua o heheranga, bowahu naga o nyawa yamuruono naga dika yopopanyakeuku waso de ai giama de wahitogumu. Tanu ai hininga la ko manga ngoe wahitogumu, masara Unangika ko iwingakua ho ko idadiuali.

Maruku 8:25

De ahao wasoikali ai lakoika o Yesusu. Wasoika ibooto de una womalegaika dokengika, de gea duru womahiorikoka, de mata-mata womalegaika wamake duru itararonoka.

Lukasa 13:12

De o Yesusu womimake munangika de womiahokino. Ho muna moboa de ahao wotemo munangika wato, “Hobata, naa tonihitogumoka ani kangelaino!”

Lukasa 18:43

Ka de wotemo ibooto de una gea ka idadi womahioriki, de una winii-niiki o Yesusika de wihigogiriiri Ma Jouika. De ona abe yamake gea idadioka, onangoo mata-mataika duru iwihigogiriiri Ma Jouika.

Lukasa 4:40

De ahao ihumuririhuku ho o Hiaini ma wange ipahaka, de ahao o nyawa manga ngoe yoboa Unangino. Abe ona mata-mata abe naga manga dutu eko manga dodiawo yagogama ma titi manga panyake irupa-rupa, ona gea yaoino o Yesusino. De Una wakokiso de ai giama ona homoi-homoiika de wahikokitogumu ona mata-mataika.

Hidingoto 9:17

De witemo ipaha de ahao o Ananiasa woikoka witutumu o Saulusika. De womahiadono ma tauika de wifokumu de ai giama de wotemo wato, “Ahi gianongoru o Saulusu, nanga Baluhu idodutu o Yesusu, abe nengokadauino womahimatoko ngonaika o ngekomoka, Una gea abe wohihidingoto ngohi ngonaino la wato tonihitogumu ma titi ani lako la ka idadi nomahiorikoli. De wohihidingoto la ka idadi ngona inilufungu de Ma Jou o Womaha.”