Lukasa 13:11 - Ma Jou ai Demo-demo o Totobelohoka

¹¹ De naga genangoka momatengo abe o tokata imibare-barene ami taongo ngimoi de tufangeino ma dekana. De ma titi ma tokata gea hiadono muna mokangelauku abe duru mofugu ho ko idadiokaua momarikoto.

Lukasa 13:11 ပူးပေါင်းရင်းမြစ်များ

Matiusu 4:23

De o Yesusu wotagi-tagi o Galilea ma tonaka ma amokika abe waloo-loliti de wotulu ma kapongo homoi-homoiika de wadotoko genangoka abe o Yahudi ma nyawa manga dodotoko ma tau-tauoka. De Una wahingahu onangika o Abari ma Rorahai abe ma titi Ma Jou woboaino la wahikoano o nyawa o duniaka naa. De ma oraha gea de o nyawa abe de manga panyakeoka ma rupa o kia dika naga, masara Una wahikokitogumu manga popanyakeino gea.

Maruku 9:21

De ahao ai babaika o Yesusu wileha wato, “Ho naa ka furuono iwidubuku?” De wato, “Naa una ka ai etetekohi de iwidubukoka ka hiadono ma wange naa ka iwihikangelahi.

Lukasa 13:12

De o Yesusu womimake munangika de womiahokino. Ho muna moboa de ahao wotemo munangika wato, “Hobata, naa tonihitogumoka ani kangelaino!”

Lukasa 13:16

“De ngini mata-mata kangano nimimake nanga gianongoru naa abe munangoo o Abarahaama ai toforauku momatengo, abe muna imipaki-pakitoka de imibare-barene ami taongo ngimoi de tufange ma dekanino ma titi o Ibilihi ma haeke. Ho naa tinileha, ahi datoro kangano de ngini niato ko itiaiua abe Ngohi tomihihohe ami papakitino ma titi o wange naa o Hiaini ma wange? Nako Ngohi, tamao abe kiani tomihihohe ami papakitino de ahi datoro gea ko ihowonua!”

Lukasa 21:28

Ho naa tinihigaro la nako ma dodunguu gea mata-mata imulaenge idadi o duniaka de ngini ka idadi nimaokoiye de nimamatagaiye la nimorenoka dika, angamoi ma oraha gea de ahao duru itigioka ti ngini nia duduhunu.”

Lukasa 8:2

de nagali o ngo-ngofeka yamuruono naga yomakiniiki de ona. Abe ma ngo-ngofeka gea ona ma dihiraino de utu yakokitokata de utu naga de manga popanyakeoka, masara o Yesusu wahikokitogumoka. De onangino gea naga o ngo Maria Madalena abe ma dihiraino de o tokata yatumidi watitoko munangino.

Lukasa 8:27

Ho o Yesusu ka de woutiha de womatengo o kota ma nyawa abe iwikokitokata wibuhuku ma dudungoka. De iwikitokata una gea ai dekanoka ko iwaka ai pakeanga ho ka ai bululunokahi, de womanoa ko o tauokaua masara o arukoka abe o nyawa manga honenge ihingoha-ngohama o arukika gea.

Lukasa 8:43

De naga o nyawa yowoe-woeoka o ngofeka momatengo abe duru mokangela ma titi ami mede. De muna gea ami taongo ngimoi de hinootoino ibooto mokangela. De muna gea ma ngoe momahibau yohou-hourika hiadono ami tiwi ko iwaka. De ngaro hokogea ma ngoe momahibau, masara ko mamakeuahi o duduhunu onangino.

Hidingoto 3:2

De abe ma oraha yomahitigi Ma Jou ai Tauika de naga womatengo wolugu-lugu wogogere Ma Jou ai Tau ma ngoranoka abe ihiromanga ato ma ngorana ma hohailoa. Angamoi o wange-wangeiye ai dodiawo iwiao de iwikelenga ma ngoranoka gea la ka idadi o tiwi womagaho-gahoko o nyawaino ma oraha yowohama Ma Jou ai Tauika. De wolugu-lugu gea ai lou womahidoboainohi, ho duru ma dekanoka woluguku.

Hidingoto 4:22

Abe ma dihiraino wolugu-lugu, una ai ngumuru ai taongo moruata ifoloioka, ho duru ai deka-dekanuku wotobalugu-lugu de ahao iwihitogumu ai kangelaino.