Lukasa 12:57 - Ma Jou ai Demo-demo o Totobelohoka

⁵⁷ “Ho ngini naa tanu koaho nimafikiri de nimaputuhu la nihioriki o kia itiai nia wowangoka. Abe ma titi kiani nianiiki ma totiai la ufa Ma Jou winiurusu de hiadono winihohowono.

Lukasa 12:57 ပူးပေါင်းရင်းမြစ်များ

Matiusu 21:21

De o Yesusu wotemo wato, “Naa tagou-goungu tinihingahu. Abe nako ngini naga de nia ngongakuoka de ko idomo-domoua, gea ahao ka idadi nginioo nidiai o heheranga ma datoro abe imaketero hoka nenangoli todiaioka. De tanu utuohi ilamoko ma heheranga ahao ngini niakunu nidiai nako de nia ngongakuoka. Abe ngaro ngini niahuloko o lokuika gea niato, ‘Nomagorakoka de nomahidulutuoka o gahiuku!’, de gea ahao idadi nako de nia ngongakuoka.

Lukasa 21:30

Abe nako ma jaga-jaga iboleoka de hiadono ihokali, gea ka de hamake de hohiorikoka hato, ‘O, marai itigioka o hiwara ma oraha, angamoi hamakeoka ma dodunguu ma hokaino.’

Yohanese 7:24

Ibootohi ngini o nyawa niahohowono abe ma titi duru ko niatailakoikauahi de ka niahohowono. Ufa nisabaranga o nyawa niahohowono, masara kiani nimakeleha ma diaiohi bote igoungu eko ko igoungua. Nako igoungu tahowono ka idadi Ngohi nihihohowono, ma nako ko igoungua ngaro ufa de nihihohowono.”

Hidingoto 2:40

De o Peturusu nagahi ai demo ma ngoe abe wahikodoku onangika ho ai dekana wotemo-temo onangika, de duru wahigaro-garo onangika. Abe una wahigaro wato, “Ngini naa kiani nimahigunoa la Ma Jou winiduhunu nia hohowonino. Angamoi ngini niwoe-woe abe ma oraha naa niwango duru nirehenoka Ma Jouoka de aino ma gurutika!”

1 Korintusu 11:13

Ho ma titi naa ena ngini ma hirete ka idadi niatailako la nihioriki hokokia itaana de hokokia ko itaanua. Ho tinileha, sarakia, nako o ngofeka momaniata Ma Jouiye de ko iwa ami pea ma dadamunu, mode gea ngini niaetongo itiai?

1 Korintusu 11:14

Abeika ti ngini ma hirete nia hiningaka. Mode ngini ko nihiorikua abe nako o nauru de ai tadauru ma guru-gurutu, gea ko iwihimalekua ma titi ai tadauru gea? Gea iwihimaleke unangika!

Higalioli 32:29

Masara Ngohi duru toigo la ona naga manga sosawaro de ka idadi yataoko ahi hitiari ma demo naa, la gea ka idadi ihioriki abe ahao o kokangela yadaene onanguku.