Lukasa 12:52 - Ma Jou ai Demo-demo o Totobelohoka

⁵² De mangale ma titi Ngohi toboaino hiadono yomaketeliliara o nyawa de to ona ma hirete manga dutu. Angamoi o tau moioka de yahinooto eko yaruange ihingaku Ngohino masara abe utu ma tauoka gea ko ihingakua.

Lukasa 12:52 ပူးပေါင်းရင်းမြစ်များ

Higiriiri 41:9

Abeika ahi dodiawo abe duru tidodiawo itiai unangika, Una o dodiawo abe duru tingaku unangika, De ngaro ngohi ahi roti tihikodoku unangika, Masara una ma oraha naa wohiolukoka ngohi.

Lukasa 12:51

“De ngini ufa niataoko ihowono ma titi ahi boa o duniauku naa. Abe ufa niataoko niato mangale ma titi Ngohi toboaino hiadono o nyawa mata-mata yomahikokadameoka o dunia ma amokika. Masara tanu ma titi Ngohi ahi boa la hiadono o nyawa yomaketeribuutu de hiadono yomakitingaka manga gogianongoruino de yomahikeregu.

Lukasa 12:53

Abe utu o giangofakoka de ai ngofaka yomakalawana de ai babaika, de utu o ngofeka yomakalawana abe momatengo de ngomi meme, de utuoli naga abe momatengo de ngomi hunungu yomaketeliliara ma titi Ngohi.”

Yohanese 16:2

Angamoi ahao naga o nyawa inihihupu nia dodotoko ma tauino de hiadono inioluku ma titi nia ngongaku Ngohino. De igoungu naga ma oraha ahao iboa de ngini o nyawa initoma, ato kiani hokogea la iwihisanangi Ma Jou.

Yohanese 9:16

De o Farisi ma nyawa utu gea yotemo ato, “Masara nako hokogea wodiai o Hiaini ma wangeoka gea Una ko Ma Jouinoua angamoi to ngone nanga pareta watilakuroka.” Masara naga utu yotemo ato, “Ma, abeika ai dodunguu duru inahiheranga, nako Una o howo-howono ma nyawa ko idadiua wodiai hokogea.” Hokogea utu yotemo hiadono o Farisi ma nyawa gea duru yomaketeliliara.

Hidingoto 28:24

De o nyawa utu abe yotoihene ai demoika ona iwingaku o Yesusika, de naga utuoli abe ko iwingakua.