Lukasa 12:44 - Ma Jou ai Demo-demo o Totobelohoka

⁴⁴ De gea tagou-goungu tinihingahu abe ai duduhunu gea ai dutu ahao widosanangi unangika hiadono wigoraka de wihidogoli o tagongo unangika la wohiaturu ma dutu ai kiahonanga mata-mataika ai tauoka.”

Lukasa 12:44 ပူးပေါင်းရင်းမြစ်များ

Matiusu 24:47

De gea tagou-goungu tinihingahu abe ai duduhunu gea ai dutu ahao widosanangi unangika hiadono wigoraka de wihitagongoli unangika la wohiaturu ma dutu ai kiahonanga mata-mataika ai tauoka gea.”

Matiusu 25:21

De ai dutu woihene ai demoika gea de duru widosanangi ai duduhunika ho wato, ‘Ani tagongo gea ngona duru nao irahai, de ngohi tosanangi abe ka idadi toningaku ngonaika ma titi ani karajaangino. De ngohi ma dihiraino de tonihitagongo abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. De ka idadi ngona de ngohi homakutuono hohirame-rame to ngone nanga utumu de hogogarago ma titi genangino!’”

Lukasa 12:43

“De nako ma dutu kiani wanoaikahi la woiki ai dodagioka, gea de wihitagongo ai duduhunika gea la una ahao wohiaturu mata-mata o tau ma goronaka. De nako ma duduhunu gea ai tagongo wao irahai ma oraha ai dutu ko iwiwa, ahao ma oraha ai dutu wolioino de wihidoaka ma utumu ai duduhunika gea ma titi ai karajaanga wao irahai.

Lukasa 12:45

“Masara naa tinileha moi. Nako hoka ma dutu wosoboka ai dodagioka de ahao ai duduhunu gea ai hininga ma dorou ipuda de womafikiri wato, ‘Marai ahi dutu ko ai dekanohi de ahao woboa, ho ka idadi taniiki to ngohi dika ahi mau naa ai tauoka.’ Nako ai hininga ma dorou hokogea, sarakia, ahao ma dutu widosanangi unangika eko koua? Abe nako ma duduhunu gea womulaenge wapoha-poha ai dodiawo abe onangoo yomahikarajaanga moi o tauoka gea, de watobaniiki o rame-rame, de hiadono ka iwitobadaluku, gea ahao done hokokia idadi?

Himatoko 3:18

Ho naa Ngohi tinihigaro nginika tato koaho nimaija Ngohioka o gurasi iree-reeika abe yahitebinoka o uku ma goronaka de aino, la gea nimaijaka Ngohioka de ahao niagou-goungu nikaya Ma Jou ai himangoka. De tinihigaro nginika tato Ngohioka nimaija o baju ma gare-garehe la gea nimahinoauku la ufa inihimaleke ma titi ka nia bululunoka. De tinihigaro nginika tato nimaija Ngohioka nia lako ma bibiu ma houru la gea nihiehe dakaa nia lakoino la hiadono ngini ka idadi nimahioriki.