Lukasa 12:30 - Ma Jou ai Demo-demo o Totobelohoka

³⁰ Abe ngini ufa nia hiningaka itagi imaketero hoka o nyawa abe ko iwihiorikua Ma Jouika manga hininga. Angamoi ti ngini nia Baba Una wohiorikoka abe ma titi ngini homoi-homoi nia perelu mata-mataika, ho ngini ngaro ufa nipusingi nia wowango ma hidailakoika.

Lukasa 12:30 ပူးပေါင်းရင်းမြစ်များ

Matiusu 10:20

angamoi gea tanu ko nginiua nitemo, masara gea ti ngini nia Baba Ma Jou ai Womaha abe wotemo de wapake ti ngini nia uruino.”

Matiusu 18:14

“De hokogenangoo ti ngini nia Baba o Horogaka ai hininga ai ngofa-ngofakika, abe Una gea duru ko woigoua la ai ngofaka yorehene hiadono ihihononga yahihanga Unangino. Abe ngaro womatengo ai ngofaka abe ai gogere ka ma dodipokouku dika masara Ma Jou ko woigoua la ai ngofaka gea iwihihanga.”

Matiusu 5:47

“Ho nako ngini naa nimakao irahai de nia dodiawo dika de nako o nyawa utuika niao ko irahaiua, gea done sarakia ti ngini nia hininga? Angamoi gea ka imakadaene dika de o nyawa manga hininga abe ko iwihiorikuahi Ma Jou. Masara nako ngini de ona de tanu koaho ka nginiohi nia hininga irahai abe o nyawa mata-mataika.”

Matiusu 6:1

De o Yesusu wogila-gilali wadotoko o nyawa manga ngoeika wato, “Ngini kiani duru nimahidodiai ma titi nia wowango ma datoro ma rorahaiino. Abe hoka ma oraha ngini niahidoa-doaka la niaduhunu o hu-huha ma nyawaika. Angamoi nako ngini nidiai ma rorahai gea la niato o higiriiri niamake o nyawaino, gea nia hininga ma dumutu duru irehenoka de ko niamakeua ma utumu nia Babaino abe naga o Horogaka.”

Matiusu 6:32

Abe ngini ufa nia hiningaka itagi imaketero hoka o nyawa abe ko iwihiorikua Ma Jouika manga hininga. Angamoi ti ngini nia Baba o Horogaka Una wohiorikoka abe ma titi ngini homoi-homoi nia perelu mata-mataika, ho ngini ngaro ufa nihuha nia wowango ma hidailakoika.”

Matiusu 6:8

De ngini naa ngaro ufa dika nimaaduru abe hoka onangoli manga demo ma ngoeika, angamoi ngaro ma oraha ko nifetonguahi ho ko nimaniatuahi nia Babaiye de winihiorikokau ti ngini homoi-homoi nia perelu.”

Lukasa 12:29

Ho ngini naa ufa nipusingi nia hiningaka de ufa nimatemo niato, ‘Naa bootino o kia haolomo? De o kia ngone haokere?’

Lukasa 12:31

Masara koaho ngini niwileleani duru de nia hininga ma gahumu Ma Jou nia Koanoika. De nako nia hininga hokogea, Una ahao ka ihikaika winihidailako ti ngini nia perelu.”

Lukasa 12:32

“De igoungu abe ngini Ma Jou ai nyawa ko niwoeua de nia kuaha hatoli ko iwa. Masara ufa nihawana, angamoi ti ngini nia Baba duru wosanangi dika winigorakiye la nidadi to Una ma hirete ai nyawa hiadono Una winihikoano nginika.”

Yohanese 20:17

De ahao o Yesusu womihingahu wato, “Maria, ma oraha naa ko idadiuahi nohigagaoika angamoi Ngohi ko toliouahi o Babaiye. Ho naa ngona noikohi abe ahi doo-dodotika natutumu de naga ahi demo abe nadotaka onangika. Ho ngona nahingahu nato, ‘Nanga Baluhu wato, “Ngohi ahao togoraka daku to Ngohi ahi Babaiye de ti nginioo nia Babaiye.”’ Hokogea ahi behehongo abe toigo la ngona nadofanga onangika.”

Efesusu 4:17

Ho naa ngohi tinitemo de tinihitiari nginika abe ahi demo naa ihititi de nanga Baluhu ai kuahaka de aino ngohioka. Ho naa tinihitiari tato ibootohi niwango imaketero hoka ona yowango abe ko iwihiorikua Ma Jou, angamoi ona gea manga hininga ma dolaka gea duru ko kia-kiaua ma titi.