Lukasa 12:17 - Ma Jou ai Demo-demo o Totobelohoka

¹⁷ De ika-ika de ai rawongo ma tau ko apoakaua angamoi ma hasili duru itou-touniye hiadono ko iwaka ma ngi la ihingohama doka ma goronaika. Ho wokaya-kaya womatemo doka ai hiningaka wato, ‘Naa done o kia todiai?’

Lukasa 12:17 ပူးပေါင်းရင်းမြစ်များ

Matiusu 16:7

De ai demo gea yoihene ma ona ko ihiorikua ho yomakoketemo ato, “Bote ai demo gea ma titi ma roti abe ko homagaoua.”

Matiusu 5:42

“De nako o nyawa yoboa nginino de naga moi yomagahoko, gea niahidoaka onangika. De nako utuoli yoboaino la ato yomabauohi ti ngini nia kiahonanga, gea niahibau onangika.” De hokogea o Yesusu ai dodotoko abe hokokia hohibalaha onangika abe yodiai itorou ngoneino.

Lukasa 10:25

De ma moiukuoli naga womatengo duru wososawaro o Musa ai Paretaino de una woboaino o Yesusino la wato wileha moi Unangika la ai babaluhino ihititi de hiadono ka idadi wikalaki o Yesusu. Ho una gea wileha wato, “Ahi Guru, ngohi kiani o kia todiai la genangino de o wowango ka hiado-adonika tamake?”

Lukasa 11:41

Ho koaho ti ngini nia hiningaino gea de o hu-huha ma nyawaika ngini niaduhunu. De nako hokogea nidiai, gea de ahao ngini duru nitebinoka abe nia poretino de nia goronakaoo!”

Lukasa 12:16

De o Yesusu wogila-gila wadotoko onangika de o hiketero ma ade-ade wato, “Naga womatengo wotobaredi-redi abe una duru wokaya angamoi ai redi ma hasili duru ikutufuru.

Lukasa 12:18

De ahao womatemo wato, ‘Aa, hokonaa ma ngekomo. Ngohi kiani takilianga ahi rawongo ma tau la tohigoko ma tau abe ka utuohi ilamoko, de tohigoko ibooto de ahao ka idadi ahi redi ma hasili de ahi kiahonanga mata-mata tohingohama doka ma tau ma hungi ma goronaika.

Lukasa 12:22

De ahao o Yesusu wotemo iwinii-niikika wato, “De mangale ma titi ngone koaho ufa hahitihira o duniaka ma kiahonanga nanga wowangoka naa, ho naa Ngohi tinihigaro moi nginika. Abe nako niwiniiki ka Ma Jouika dika, gea ngaro ufa dika de nihawana de nipusingi abe niato nia wowango ma perelu o duniaka naa marai ko iniwedonua. Abe ngaro ti ngini nia inomo eko nia baju, ma ufa nipusingi enangika.

Lukasa 12:29

Ho ngini naa ufa nipusingi nia hiningaka de ufa nimatemo niato, ‘Naa bootino o kia haolomo? De o kia ngone haokere?’

Lukasa 12:33

“Ho ngini naa ka idadi nia kiahonanga niafukunu dika de ahao abe ma tiwi gea niahikodoku o hu-huha ma nyawaika. La nia datorino gea de ngini ka idadi hoka nimahidailako nia kaya abe duru itongohono ka hiado-adonika. Angamoi nia utumu o Horogaka gea ko iwa yotobatohi-tohiki abe ka idadi inidohiki, de ko idadiua o goguhu yaolomo, ho nia utumu gea duru itongohono ka hiado-adonika.

Lukasa 16:3

“De ahao una wotobauru-urusu o tiwi womatemo doka ai hiningaka wato, ‘Naa done sarakia ngohi todiai la tomaino-inomo, abe ahi dutu wohitogumoka ahi karajaanga unangoka? Angamoi nako o karajaanga utuoli ko takunua todiai. Abe nako tokarajaanga o nyawa manga redioka gea ahi badanga ko apoaua, de nako kiani togaho-gahoko dika o tiwi o nyawaino gea duru ihimaleke, ho ngohi naa done sarakia?’

Lukasa 16:9

Masara naa ngohi tinihigaro tato irahai ngini niapake o dunia ma kiahonanga de o tiwi la genangino de niahiutumu onangika abe ko iwingakuahi Ma Jouika la ahao marai ona ka idadi iwingaku Unangika. De ahao ma oraha dokengika abe ko niapakeokaua o tiwi de ma nyawa abe niaduhunoka Ma Jouika ka idadi inidafongo irahai ma oraha nimahiadono daku o Horogaiye de nimakamakeoli!”

Lukasa 18:22

De o Yesusu witemo unangika wato, “Bowahu moiokahi kiani nodogo la ani hingounu hatoli ingodumu. Kiani noiki nolio ani tauika, naika de ani kiahonanga nakokifukunoka mata-mata de naga ani tiwi ahao nahidoaka abe o nyawa yohu-huhaika. Gea nahidoaka onangika la ngona ahao nokaya o Horogaka. Ho ani kiahonanga nakokifukunoka de ahao nolioli Ngohino de ka idadi nohiniiki Ngohi.”

Lukasa 19:17

“De ai koano woihene ai demo de duru widosanangi ai huhulokika ho wato, ‘Duru irahai ani tagongo gea nao, de ngohi tosanangi abe ka idadi toningaku ngonaika ma titi ani karajaangino gea. De ngohi ma dihiraino de tonihitagongoka abe hatoli ma hohutulu dika ahi tiwino, de gea nodiai duru irahai. Ho naa utuohi iwoe ka idadi tonihitagongo ngonaika. Abe ka idadi ngona nohipareta o kapongo ngimoi!’”

Lukasa 3:11

De o Yohanese wapaluhu onangika wato, “Onagona dika nginioka abe nia baju ma biri-birini naga hinooto, gea moi niahidoaka o nyawaika abe to ona manga baju ma biri-birini ko iwa. De nako nia inomo naga iniwedono, enangoo ka idadi utu niahikodoku onangika abe manga inomo ko iwa.”

Hidingoto 16:30

De ahao una womaokoiye de wao ona yahinooto doka ma hoanika de waleha wato, “Ahi balu-baluhu, ka o kia todiai la Ma Jou wohiduhunu ahi howo-howonino?”

Hidingoto 2:37

De o Peturusu ai demo ona mata-mata yoihene de duru manga hininga ikokihuhaka, ho yotemo unangika de ai dodiawo o hidingoto ma nyawa utuikaoo ato, “Ho ngomi naa koaho o kia midiai?”

Roma 12:13

De nako naga nia gogianongoru o Yesusoka abe yohu-huha, ona gea ngini niaduhunu la manga perelu niahidailako onangika. De nako yoperelu la yomahidodogumu nia tauoka, ona gea niadafongo nia tauino.

1 Timotiusu 6:17

De nanga gogianongoruika abe duru de manga tiwioka o duniaka naa, onangika kiani ngona nahitiari. Nahitiari nato, “Ufa ngini nimasade de ufa nimahinganono nia tiwika. Angamoi ngone ko hohiorikua nako ka ihikaika naga de nanga tiwioka eko bote itebini dika de ihihangoka mata-mata. Ho ufa genangika nimahinganono, ma koaho Ma Jouika dika nimahinganono, angamoi Una duru wonahidailako mata-mata abe ngone hoperelu la howango hosanangi.” Hokogea ngona nahitiari onangika.

1 Yohanese 3:16

De abeika ngone homafikirohi o Kristusu ai hininga ma dora abe wonahimatokoka ngoneino. De abe ma dihiraino to Una ai wowango womahidoaka la ngone naa wonaduhunu, de duru to Una ai datorino gea de ngone hamake o dora ma gou-goungu. Ho gea nako to Una ai dora ma gou-goungu imanoa ngoneoka, gea tanu ngone ka idadi homahigunoa la to ngoneoo nanga wowango homahidoaka la hato nanga gogianongoru haduhunu abe homahingongaku moioka.