Lukasa 12:12 - Ma Jou ai Demo-demo o Totobelohoka

¹² Angamoi ma oraha gea abe ngini nimaokoino o nyawa yokurutiye manga hima-himangoka de Ma Jou o Womaha Una winidotoko abe hokokia ahao nitemo.”

Lukasa 12:12 ပူးပေါင်းရင်းမြစ်များ

Huhupu 4:11

De Ma Jou o Yawe wihitararono unangika wato, “Musa, naa tonileha, onaguna yodiai o nyawa manga uru mata-mataika? De onaguna yodiai o nyawa utu yatopongono de o nyawa utu yomou? De onaguna yodiai la o nyawa utu yomahioriki de utu yorafioka? De gea ngona nato ko Ngohiua? Gea Ngohi Ma Jou o Yawe dika ahi kuaha la hokogea todiai!

Huhupu 4:12

Ho naa ngona tonihulokoli, kiani ngona noiki de ahao ngohi toniduhunu, la ma oraha notemo-temo de ani uru gea ahao Ngohi tohipareta de Ngohi ahao tonidotoko o kia notemo onangika.” Hokogea Ma Jou wihigaro.

Matiusu 10:19

De abe ma oraha initaokino de iniurusu to ona manga hima-himangoka, gea ngaro ufa nihawana de nimatemo niato, ‘Adoo, done o demo o kia de ahao mitemo onangika?’ Gea koua, masara ma oraha adonoka de o kia dika ipudaiye nia hiningaiye, gea nitemo dika,

Matiusu 10:20

angamoi gea tanu ko nginiua nitemo, masara gea ti ngini nia Baba Ma Jou ai Womaha abe wotemo de wapake ti ngini nia uruino.”

Lukasa 12:13

De ahao naga womatengo yowoe-woeino abe wotemo o Yesusika wato, “Ahi Guru, nako ka idadi, Ngona nihuloko ahi riakika la to ngomi mia baba ai kiahonanga waregu hinooto la ngohioo ka idadi tamake ahi oara mia babaino.”

Lukasa 21:15

Gea koua, masara ma oraha adonoka de ahao Ngohi tinihidoaka nginika la nia uru ma demoino de duru isosawaro. La gea nitemo ipaha de ko moiua abe inilawa-lawana ka idadi yopaluhu nia demoika ho ko idadiua inihikala nia demoino gea.”

Hidingoto 4:8

De ahao o Peturusu iwilufungu de Ma Jou o Womaha de wopaluhu onangika wato, “Ahi balu-baluhu de ngini abe nimihihira ngomi nia kokawaaha, naa moi tinileha.

Hidingoto 6:10

De ngaro yomaketeribuutu masara moioo de ko iwa abe ka idadi iwihikala o Setefanusu ma titi ai demoino angamoi una iwihipareta de Ma Jou o Womaha ho duru wososawaro wotemo.

Hidingoto 7:55

Masara o Setefanusu una iwilufungu de Ma Jou o Womaha ho una wodamaana dika daku o Horogaiye. De dakena wamake Ma Jou ai medebini ma dararono, de nagali wimake o Yesusu abe Una womaokoino duru Ma Jou ai nirakoka.