Lukasa 11:7 - Ma Jou ai Demo-demo o Totobelohoka

⁷ Masara abe ma oraha nomagahoko de ani dodiawo gea womahiainoka ai ngidu ma ngioka ho wonipaluhu wato, ‘Ufa nohiruwae! Ahi ngorana ikusioka de ngomi mata-mata mimaiduoka, ngohi de ahi ngofa-ngofaka. Ho ngohi ma oraha naa de ko idadiua tomomiki de tonihidoaka ngonaika.’ Hokogea ai babaluhu ngonaika.

Lukasa 11:7 ပူးပေါင်းရင်းမြစ်များ

Matiusu 25:10

“De ona yamotoa abe ko iwa manga hidiai yosoboka la ato yomaija manga minya. De ona yoikoka de una woila-ilaka woboaino, ho ona yamotoa abe yomahidiaioka yosobo yomakiniiki de de una o gogilaka ma rame-rameika. De ona yowohama ma rame-rame ma ngiika de ahao ipaha ma ngorana akusioka.”

Lukasa 11:6

‘Dodiawo, ahao naa ahi olo naga womahiadono abe wotagi-tagi duru ma gurutoka de waino woboa ahi tauino, masara ngohioka duru ko iwa o inomo la tileleani unangika.’ Marai hokogea ani gogahoko ma demo.

Lukasa 11:8

Masara naa Ngohi tinihingahu nginika abe nako ngini nihigila-gila niwiaho-ahoko nia dodiawoika gea, ika-ika de ahao una womomiki de winihidoaka nginika nia perelu gea. De gea ko ma titiua winihidoaka ai hininga ma sanangioka de aino nginika, masara mangale ma titi ngini ko nimatogu-togumua nimagahoko, de gea ena ma titi hiadono ma bahauku de niamake.”

Lukasa 13:25

“De gea imaketero hoka ma tau ma dutu womatengo abe wakusioka ma ngorana la ko idadiokaua o nyawa yowohamika. De o nyawa abe ma hoanokahi ahao iwiaho-ahoko ma ngoranoka ato, ‘Mia baluhu, ani ngorana nomibelenga ngomino!’ De ma dutu ahao wopaluhu wato, ‘Ma ngorana ko tinibelengaua angamoi ko tinihiorikua ngini o kiaino ma nyawa.’

Lukasa 7:6

De o Yesusu woihene manga demoino de wohimoteke ho Una wosobo yomakiniiki de ma hohidimono gea abe manga dumutu o Roma ma tentara ai tauika. De ngade-ngade yomahiadonika ma tauika de o Roma manga haeke gea wahidingotoli ai dodiawo yamuruono naga la onangoli iwibuhuku o Yesusika. De onangoo yadofanga to una ai demo o Yesusika ato, “Ahi Baluhu, ngaro ufa de nogila-gila nowohamino ahi tauino, angamoi nako ngohi naa de Ngona de ka Ngonahi ani horomati de ani gogere duru ikokurutiye. Ho tanu ko itiaiua la Ngona nowohama ahi tauino, angamoi ngohi naa ka o nyawa biaha dika.

Galatia 6:17

De naa tinihibehehongo nginika tato ma oraha nenangoka de imahikaika o nyawa onagona dika de ibootohi ihihikangela ngohino ma titi ahi dodotoko. De gea ibootohi o nyawa ihingelo ato Ma Jou ko wohihitagongua ho ahi dodotoko ko to Unangua ai abari. Angamoi to ngohi ahi badangoka naa igoungu naga ma dodunguu ahi nabo ma boke-bokeke de gea ihihitaana ngohino abe ngohi naa igoungu wohihitagongino de to Una ai Abari ma Rorahai. Ho gea ngohi tato kiani o nyawa yodafongo ahi demo naa.