Lukasa 11:54 - Ma Jou ai Demo-demo o Totobelohoka

⁵⁴ la ato ai babaluhu ma demoino ihititi la iwitaoko de iwiurusu.

Lukasa 11:54 ပူးပေါင်းရင်းမြစ်များ

2 Kokoano 5:7

Masara ka de o Isiraele ma nyawa manga koano ma hurata gea wabasa ibooto de duru wohuha ka hiadono ai pakeanga wakakihi, de wotemo onangika abe naga genangoka, wato, “Abeika o Arama ma nyawa manga koano ai gogahoko ngohino naa! De done sarakia abe una naa iwipado ahi himangoka de ngohino ai koano womagahoko la ngohi tihitogumu ai panyake o padoino? Nako to ngohi ahi kuaha ko imakadaenua abe hoka to Ma Jou ai kuaha. Ka Una dika abe ka idadi o nyawa wahohonenge de ahao wahiwangokali! O koano gea wohihioriki abe ngohi ko takunua todiai abe hoka womagahokoka ho marai ai gogahokino naa ma titi womalingiri ai ngekomo la ka idadi una de ai tentara ka idadi imiparangioli!” Hokogea o Isiraele ma nyawa manga koano wotemo de ai huha.

Matiusu 22:15

De ipaha de o Farisi manga doomuino ma nyawa yomatoomuino de yomakoketemo abe ma titi hokokia iwileha o Yesusika la wahowono ai bobaluhu de ihititi genangino la ka idadi iwitae.

Matiusu 22:18

De o Yesusu ka de woihene manga leleha gea de wahiorikoka ma titi to ona manga hininga ma dorou ho watemo onangika wato, “Ngini naa ka nimadokangelukino dika abe niato niangaku ahi demoika gea! Adodoa ho ngini nihitaili?

Matiusu 22:35

De womatengoli naga o Farisi ma nyawa manga doomuino abe duru wososawaro o Musa ai Paretaino de unangoli gea wileha Unangika la witaili. De hokonaa to una ai leleha o Yesusika, wato

Maruku 12:13

De ipaha de o agama ma hohidimono gea yahidingoto o Yesusika o Farisi manga doomuino ma nyawa yamuruono naga de o Herodese ai nyawa yamuruono naga. Ona yahidingoto Unangika la ato iwileha de ihititi genangino la ahao yolio la ato iwikalaki Una.

Lukasa 11:53

De o Yesusu wotemo ibooto de ka wosobo o Farisi ma nyawa gea ai tauoka de waino. De ma oraha gea de imahikaika o Farisi ma nyawa de ona abe yotobadotoko o Musa ai Paretaino ona mata-mata duru iwingamoholi Unangika. De iwiao ko itiaiokaua de ka ihikaika iwileha-leha abe ma titi ma ngoe,

Lukasa 20:20

De o Yahudi ma nyawa manga hohidimono gea yogoa-goana la ma ngekomo yamake hokokia iwitaoko. Ho ona iwileha-leha o Yesusika la ato wahowono ai bobaluhino. De ihititi genangino la ka idadi iwikalaki o Roma manga popareta ma hidimonika la hiadono iwitaokino o Yesusu. De ipahaino de yahidingoto o Yesusika o nyawa abe yomaaduru hoka o totiai ma nyawa abe ko iwa manga hininga ma dumutu ma dorouika.

Lukasa 20:26

Hokogea o Yesusu ai babaluhu onangika o nyawa manga hima-himangoka, ho duru ko iwa ai demoino abe ona ka idadi ihititi genangino la iwitaoko. De gea duru yoheranga ma titi ai sosawaro ma demoino, ho hiadono ka yomarii-riidoka dika.

Hidingoto 23:21

Masara gea ufa ngona nohimoteke de to ona manga hidee ma dorou gea! Angamoi naga o nauru yamoruata yofoloi abe ahao iwihagogono ma ngekomo ma date-datekoka la genangoka yomahidiaioka la ahao ma oraha una de ani nyawa yatilakuru manga gogogono ma ngi de ona iwingika de iwitoma o Paulusika. De hongoli ona gea yomahiketehibehehongoka de o koboto ato ona ko yolomuahi de ko yokeruahi abe ma oraha naa de ka hiadono iwitoma o Paulusika. Ho ona yomahidiaioka de bootino yoboaino la yogahoko ngonaika. De ona duru yongano-nganono la ngona nohimoteke de to ona manga gogahoko ma demo gea.”