Lukasa 11:27 - Ma Jou ai Demo-demo o Totobelohoka

²⁷ De o Yesusu ai demo gea ko wamatauahi de naga momatengo o nyawa yowoe-woeino de ami ilingi maamokiye mato, “Ngona naa ani demo duru ma hohailoa toihene. Ho ngohi tato marai ngoni meme duru mososanangi ma titi abe Ngona nomaboa munangino de abe nohuhu to muna ami huhuika.”

Lukasa 11:27 ပူးပေါင်းရင်းမြစ်များ

Lukasa 1:28

De o malaekata gea woboaino womahimatoko o ngo Mariaika de womihingahu wato, “Maria, nanga Baluhu Ma Jou naga ngonaka! De ngona duru namakeoka ma hiowa Ma Jouino!”

Lukasa 1:42

De ma titi imilufungoka ho muna maamo-amokiye o ngo Mariaika mato, “Ahi gianongoru, duru Ma Jou wonihiowa! Ngaro o ngo-ngofeka mata-mataino masara ka ngonahi Ma Jou wonihiowa. De to ngona ani ngofaka abe ahao womaboa ngonaino Unangoo duru wamakeoka ma owa!

Lukasa 1:48

De ngaro ahi dodipokouku ai gilaongo naa, Masara Una wohihininga ngohi. Ho ma oraha naa de ka ihikaika, o nyawa ihihioriki ma titi ngohi, Abe hiadono nanga totoforauku yolape-lapeuku ahao ihihiromanga ato, ‘Muna gea abe duru mamakeoka ma hiowa ma amoko Ma Jouino.’

Lukasa 11:26

Ho ena isobo de yahokino o tokata tumidoli abe ka enangohi itorou de ena ma hirete, de ma tokata ma gahumu tufange mata-mata imanoa o nyawaka gea. Ho ma bahauku de o nyawa gea manga wowango duru itorouoka, abe ngaro ma dihiraino de ma tokata moi yabarene, masara duru ka ma oraha nenangohi de manga wowango itotorou.” Hokogea o Yesusu ai hitiari ma demo onangika ma titi o toka-tokata.

Lukasa 23:29

Angamoi naa tinihingahuohi abe ahao nako ma oraha adonoka de naga ma kangela iboa inihidotadaene abe duru ikiria. De ma kangela gea inidaenoka de ahao o nyawa yotemo ato, ‘O ngo-ngofeka abe ko ma moiuahi yodami ho hiadono manga ngofaka ko iwa, de ko ma iwahi abe yomahuhu manga ngofaka, abe tanu ka onangohi gea youtumoka ma oraha gea. De ona gea duru youtumoka angamoi ngaro ona ma hirete yaohana manga kangela, masara ko iwa manga ngofaka abe onangoo yahidotadaene manga kangela, ho o ngo-ngofeka gea hatoli manga hininga ma huha ikuranga.’