Lukasa 11:20 - Ma Jou ai Demo-demo o Totobelohoka

²⁰ De Ngohi tato mangale ma titi ahi kuaha Ma Jouoka de aino iboa la o tokata tohititoko, ho mangale naa itaanoka abe ma oraha adonoka la Ma Jou wahikoano ai nyawaika.”

Lukasa 11:20 ပူးပေါင်းရင်းမြစ်များ

Huhupu 8:19

De ona yososawaro yotobamai-maihi gea iwitemo manga Firaunika ato, “Abeika, naa ma titi manga Jou to Una ai buturungino dika hiadono o heheranga naa inadaene de ngaro de ai hagaraara dika wonatumutu ngoneino!” Ngaro hokogea iwihingahu o Firaunika masara to una ai hiningaka ka womatogowinohi! Ho idadi imaketero de Ma Jou o Yawe wahingahuokau o Musa de o Harunika abe o Firaunu gea ko wahigihenua.

Matiusu 12:28

Masara nako to Ngohi ahi kuaha, gea iboa Ma Jou o Womahoka dika de aino. Ho Ngohi tato mangale ma titi Ngohi o tokata tohititoko de Ma Jou o Womaha ai kuahaino, gea duru itaanoka abe ma oraha adonoka la Ma Jou wahikoano ai nyawaika.”

Matiusu 3:2

“Ngini kiani nitoba la nioporetika nia howo-howonika de nianiikoli Ma Jou ai hiningaika dika. Angamoi itigioka abe ma oraha Ma Jou wonahikoano ngone o duniaka naa.” De hokogea o Yohanese ai demo onangika la wato ona ahao iwidafongo irahai manga Koano Ma Jou.

Matiusu 4:24

De o abari abe ma titi to Yesusu gea o nyawa yomaketeade-ade o Galilea ma tonaka ma amokika de ka hiadono o Siria ma tonakokaoo yomaketeade-ade ma titi o Yesusu, abe o Siria ma tonaka gea igogere o Galilea ma tonaka ma datekoka. Ho ko yotedekanuahi de o nyawa yopopanyake duru ko manga ngoe yao manga gurutoka de yaino o Yesusino la ato Una wahitogumu ona gea. Abe ngaro manga kangela o kia dika naga manga badangoka masara Una wahikokitogumu ona mata-mataika. De ona abe naga de manga popanyakeoka irupa-rupa, abe naga utu manga badanga ma modorou, de utuoli o ibilihi yabare-barene, de utuoli yohone-honenge, de nagali utu abe manga badanga ma kiahonanga ma hononga ihonengoka. Ho ngaro manga badanga ma kangela o kia dika naga, masara Una ka idadi wahikokitogumu ona mata-mataika.

Lukasa 10:11

‘Naa ngomi mininoaika nia kapongo, masara ihira mia lou mihieheoka la nia kapongo ma tonaka ma kuhuhunu gea ireroka. De gea idadioka abe o hohowono ma dodunguu nginika angamoi ko nimidafongua ngomi. De ufa ngini niawohanga abe ma oraha itigioka la Ma Jou wahikoano ai nyawaika ho gea nia hohowono enangoo itigioka!’ Hokogea ngini niahingahuohi de ahao nihupu dika ma kapongino gea abe inioluku nginika.

Lukasa 10:9

De abe ma oraha ngini nigogerohi genangoka de ka idadi o nyawa abe naga yopopanyake niahitogumu onangika. De abe ma oraha niahitogumu nia gogiriaka de niahingahu onangika niato, ‘Naa itigioka ma oraha abe Ma Jou wahikoano ai nyawaika.’”

Lukasa 11:21

De ahao o Yesusu wodiai o hiketero moioli abe ma titi o Ibilihi ma haeke. De Una wato, “Nako o tau ma dutu womatengo ko ai buturungu de naga ai dae ingodumu unangoka abe womahingano-nganono enangika, to una ai kiahonanga o nyawa ko idadiua iwiora.

Hidingoto 20:25

De o Paulusu wogila-gila womahingahu ai hininga wato, “Ngohi naa tinihingahu dika abe ngini de ngohi ahao ko homakamakeokauali o duniaka naa. De ngini naa abe ma dihirainohi de tinihikodoku nginika o abari abe hokokia Ma Jou ahao wahikoano ai nyawaika.

2 Tesalonika 1:5

De duru totarimakase Unangika ma titi ngini, abe ma oraha naa de ngini o kokangela niaohana, de gea ma titi abe ngini niwihigunoa la Ma Jou winihikoano nginika. De ahao ma oraha abe Ma Jou wonatailako nanga datorino, de gea ma oraha abe duru itararono o nyawaika abe Una gea ai hibalaha o nyawaika duru imataana de abe manga wowango ma datoro ma dihiraino o dunia ma lokuokahi yodiai. Ho mangale ma titi ngini nia kangela ma goronaka gea de nimatongohono ho duru mionganono Una ahao waputuhu wato ngini naa igoungu nimahitaanoka to Una ai kokawaaha ho ka idadi niwohamika Ma Jou ai ngiika. De ma ngi genangoka, gea wahikoano to Una ai nyawa mata-mataika.