Lukasa 11:12 - Ma Jou ai Demo-demo o Totobelohoka

¹² Eko nako nagali ona yoboaino yomagahoko o kuru-kuru ma gohi, sarakia, gea de niahidoaka o waitota onangika? Duru hokogenangua abe niahidoaka!

Lukasa 11:12 ပူးပေါင်းရင်းမြစ်များ

Lukasa 10:19

De Ngohi tinihidoakoka o kuaha la ngaro nanga musu ena gea ma buturungu hokokia dika naga masara ka ti nginiohi nia kuaha ifoloiika ilamoko. De nanga musu o Ibilihi ma haeke de to ena ma toka-tokata, ena gea tahiketero hoka o dodiha de o waitota. Ho ngini naa naga de ahi kuahaka, ho ngaro nia dodagioka de niadoko o dodihauku eko o waitotauku masara ena gea ko idadiua inihiodiri nginika. Abe ahi demo gea ma titi nanga musu ma toka-tokata ko idadiua inihikala nginika.

Lukasa 11:11

“De ngini o ba-baba, tinileha moi nginika. Abe ma oraha nia ngofaka yoboaino nginika de yomagahoko o nawoko, sarakia, ngini ka idadi niahidoaka o dodiha onangika? Koua!

Lukasa 11:13

Ho naa Ngohi tato abe nako ngini o howo-howono ma nyawa de ka idadi o hidoaka ma rahai niahidoaka ti ngini nia ngofa-ngofakika, ho Ma Jou Unangoo ka idadi wonabaluhu de ma hidoaka abe utuohi irorahai ngoneino. De hongoli nia Baba o Horogaka ka idadi winihidoaka Ma Jou o Womaha nginika iti ngini nimagahoko hokogea Unangika.” Hokogea o Yesusu ai dodotoko iwinii-niikika abe ma titi hokokia yomaniata.

Himatoko 9:10

De nako gea ma bikini, gea duru imaketero hoka o waitota ma bikini, de ma bikinoka gea naga de ma hiakunoka la yahikokangela de yahiodiri o nyawaika abe o mede motoa ma dekanino.