Lukasa 11:1 - Ma Jou ai Demo-demo o Totobelohoka

¹ De o wange moiukuoli de o Yesusu de iwinii-niiki naga o ngi moioka de Una womaniata. De womaniata ipaha de womatengo iwinii-niikino woboa de wogahoko Unangika wato, “Mia Baluhu, ngomi migahoko la Ngona nomidotoko abe hokokia itiai mimaniata, abe imaketero hoka o Yohanesoli naa ma duru wadotokoka iwinii-niikika.”

Lukasa 11:1 ပူးပေါင်းရင်းမြစ်များ

Higiriiri 19:14

Ho naa ngohi duru tomagahoko Ngona o Yaweika la ngaro ma demo abe ihupu ahi uruino, de ngaro ahi hininga abe itagi doka ahi hiningaka, masara gea mata-mata duru toigo la inihikokisanangi Ngonaika. Angamoi ka Ngona dika nodadi ahi dadatoko ma hakaru de ahi Duduhunu la ufa o bodito ihidaene!

Lukasa 10:42

Masara tanu koaho ma titi moi dika abe duru iperelu ani hininga aniiki, de ena gea abe hoka ngoni dodotoli o ngo Maria momangiriki angamoi mototoihene ahi demoino. Ho Ngohi ko toigoua la ahi dodotoko ma demo moporete ho ko moihenua.”

Lukasa 11:2

De yogahoko hokogea de o Yesusu wotemo wato, “Ngini abe ma oraha nimaniata de nia demo niapake hokonaa, niato, ‘Mia Baba, ngomi duru miagorakiye to Ngona ani romanga angamoi duru nokokurutiye. De ngomi migahoko la Ngona nagorakiye ani kuaha kohaamoko la nomulaenge o dunia duru nahipareta.

Lukasa 6:12

De ipahainoli de o Yesusu woiki wodoa o loku moiiye la dakenangoka womaniata. De Una ka iwihidetebiniye abe ko wotogu-togumua womaniata Ma Jouiye.

Lukasa 7:13

Ho ka de o Yesusu womimake o ngo bao gea de ai hiningaka duru iwilufungu de o dora ma hiokoo ho woiki munangika de womitemo wato, “Ibootohi noari.”

Lukasa 7:19

De wahokino de wahibehehongo wato, “Ngini kiani niloiki niwitutumu o Yesusu de niwileha Unangika niato, ‘Sarakia, Ngona naa nagou-goungu to ngomi mia Behehongo abe ma dodihiraino de Ma Jou womihibehehongoka? Eko koaho womatengoli ngomi wiwilingiri abe Una wodadi mia Behehongo Ma Jouino?’”

Lukasa 9:18

De o wange moiukuoli de o Yesusu naga womaniata de abe iwitobanii-niiki ka ona dika naga Unangoka. De ahao Una waleha onangika wato, “Abe ngini niihene o nyawa yowoe-woeino, ona gea yafikiri ato Ngohi naa onaguna?”

Lukasa 9:28

De o Yesusu wahingahu gea mata-mata onangika de ahao ngade-ngade o wange tufange ipahaika de o Yesusu wodoa o lokuiye la womaniata dakenangoka. De Una wahoko o Peturusu de o Yakobusu de o Yohanese la ona yomakiniiki yodoa daku o lokuiye.

Ibarani 5:7

De nako ma dihiraino ma oraha o Yesusu nagahi o dunia ma lokuokahi de Una naga de ai roehokahi abe imaketero hoka ngoneoli, de ma oraha gea Una duru womaniata de o duduhunu womatobagahoko ai Babaiye, abe womaniata de ai ilingi ma amokiye de nagali ai koongo itifa. De abe womagahoko o duduhunu ai Babaiye de gea ai Baba tanu ka idadi widuhunu la ngaro ufa dika de ai Ngofaka wohonenge. De mangale ma titi o Yesusu womahitipokouku de wihoromati ai Babaika, ho ai Baba wigihene de wopaluhu ai niniata ma demoika de widuhunu Unangika.

Yudasa 1:20

Masara nako ngini ahi gogianongoru abe ngohi duru tinidora nginika, ufa ngini nimaaduru abe hoka onangoli gea. Masara ngini kiani nimahiketehiputurungu Ma Jouika abe ma titi nanga ngongaku ma dodotokoka de aino. De nanga ngongaku ma dodotoko gea ngaro o dodotoko utu mata-mataika ma ka nenangohi duru itebi-tebini. De ngini kiani ka ihikaika nimaniata de gea nimahinganono Ma Jou o Womaha ai kuahaika la gea Una winihihira-hira nia niniata ma goronaka.