Lukasa 10:35 - Ma Jou ai Demo-demo o Totobelohoka

³⁵ De ma dawangeino de o Samaria ma nyawa gea kiani wogila-gila ai dodagioka ho wohihupu o tiwi ai popojeino de wihibehehongo o dodogumu ma tau ma dutuika wato, ‘Ma tiwi naa ngona napake la nipaliara una gea. De nako ko iwedonua la ai perelu nahidailako hiadono wotogumoka, togahoko la ngona nofanguohi ma titi ai perelu utuoli. De naa ngohi tonihibehehongo ngonaika abe ahao ngohi ma oraha tolioli naangino de taturuuru ani tiwi abe napakeoka gea.’” Hokogea to Yesusu ai babaluhu o hiketero ma demoino abe wipaluhu woleha-lehaika ma titi onagonaika kiani wadora.

Lukasa 10:35 ပူးပေါင်းရင်းမြစ်များ

Sosawaro 19:17

O nyawa onagona dika abe yahidoa-doaka o huha ma nyawaika, gea imakadaene dika hoka iwihibau ai kiahonanga Ma Jou o Yaweika, angamoi Una gea ahao wahibalaha de ma rorahai ona yahidoa-doakika.

Matiusu 18:28

“Ho ma duduhunu gea ma koano ai himangoka de wosobo de woiki ai dodiawoika abe unangoo ma koano ai duduhunu womatengoli ho ona yomahikarajaanga moi. De nengokadau ma duduhunu wohira-hira ai tiwi wihibauoka naa ai dodiawoika, ho ai dodiawo naga ai nagimi ma duduhunu ihira-hiraika abe ma tiwi marai isana, ko ilamokua. Angamoi nako ona yahinooto manga nagimi de ka ma duduhunu ihira-hira ka to unangohi ai nagimi duru ilamoko, masara naa ma koano waofioka. Ho ngaro to ai dodiawo ai nagimi unangika hatoli ieteke masara woiki unangika de wiso ai tomarika de wihookoko. De duru wiribuutu unangika la ma oraha naa dika de wakokifangu ai nagimi.

Matiusu 20:2

De ona de ma dutu yomahiketehibehehongo la bootino o bobimaowaka de wahidoaka onangika o tiwi o haaka moi, abe gea biaha o nyawa yamake nako o wange moi ma gahumu yokarajaanga. De yomahiketehibehehongoka de una wahuloko la yoiki ai redika de yokarajaanga, ho yosobo.”

Lukasa 10:34

De una woiki unangika de ai nabo wohituagi de o angguru ma teongo la ma gani ahohonenge de nagali wohituagi de o saitunu ma minyaoo la ma odiri hatoli ikuranga. De wohituagi ipaha de ahao wohitamunu de o ngoere ma bela-belaka. De wohitamunu ai nabo ibooto de wigoraka de wihibarene ai keledaiuku de wiao o dodogumu ma tauika la wipaliara genangoka.

Lukasa 10:36

De ahao o Yesusu wilehali moi unangika abe wosawaro ma titi o Musa ai Paretaino, ho Una woleha wato, “Nako ngona nafikiri, o nyawa yaruange gea abe iwimake ma nauru iwipoha-poha de iwiora o ngekomo ma datekoka gea, ho onagona yaruangeino gea abe iwidora unangika? De onagona yaniiki Ma Jou ai Pareta?”

Lukasa 14:13

Ho ufa hokogea nodiai, masara koaho irahai ngona nahokino o hu-huha ma nyawa de ona yotalo-talo de abe yolugu-lugu de abe yorafi-rafioka.

Roma 16:23

De o Gayusu, unangoo ai tabea wohidingoto nginika. Abe ngohi o Paulusu tomahidodogumu naa o Gayusu ai tauoka, abe mia biaha mimatoo-toomuino nenangoka ma titi mia gareja ma doomuoka. De o Eratusu abe to una ai tagongo la wohiaturu o kota naangoka ma popareta ma tiwi, de nanga gianongoru o Kawatusu, onangoo yahinooto manga tabea ihidingoto nginika.