Lukasa 10:25 - Ma Jou ai Demo-demo o Totobelohoka

²⁵ De ma moiukuoli naga womatengo duru wososawaro o Musa ai Paretaino de una woboaino o Yesusino la wato wileha moi Unangika la ai babaluhino ihititi de hiadono ka idadi wikalaki o Yesusu. Ho una gea wileha wato, “Ahi Guru, ngohi kiani o kia todiai la genangino de o wowango ka hiado-adonika tamake?”

Lukasa 10:25 ပူးပေါင်းရင်းမြစ်များ

Maruku 10:17

De ahao o Yesusu de iwinii-niiki ato yosobo, de naga womatengo womapopaata woboaino o Yesusino. Woboaino o Yesusu ai himangoka de watilabukuku. De wileha o Yesusika wato, “Ahi Guru duru ma rorahai, ka o kia todiai la tamake o wowango ka hiado-adonika?”

Maruku 10:3

De Unangoli wabole ma goa-goa waleha onangika wato, “Hokokia nanga tofora o Musa ma dihira winihuloko nginika? Abe ma hiaturu gea naga wohitulihukuoka ma dihira, ho ngini naa hokokia niataoko ai demoino gea?”

Maruku 12:28

De ahao ma oraha o Yesusu de o Saduki ma nyawa gea yomakoketemo manga gogiriakahi de naga woboaino womatengoli wotobadotoko o Musa ai Paretaino. Una woboaino de woihene o Yesusu ai demo abe wapaluhu o Saduki ma nyawaika, de una gea doka ai hiningaka wato, “Naa una duru itaana ai bobaluhu onangika!” Ho hiadono una dika ma hirete wileha moi o Yesusika wato, “Guru, nako Ma Jou ai Pareta mata-mata ngoneino abe o Musa wohitulihuku ma dihira, o pareta o kiahi abe duru ikurutiye?”

Lukasa 10:24

Angamoi naa tinihingahu abe ma dodihiraino de naga Ma Jou ai uru ma dodofanga de o kokoano manga ngoe abe duru yoigo yamake gea abe ma oraha naa de ngini niamake Ngohi todiai, masara ona ko ihidaenua ho ko yamakeua ahi datoro gea. De ona gea ma dihiraino de duru yoigo yoihene abe ngini niihenoka to Ngohi ahi uruino, ma ona ko yoihenua angamoi ko ihidaenua ahi oraha toboa.”

Lukasa 10:26

De o Yesusu wipaluhu unangika wato, “Bote ngona ma hirete nabasaka o Musa ai Pareta, ho ngona nataoko hokokia ma babaluhu genangino?”

Lukasa 18:18

De ma moiukuoli de naga womatengo o Yahudi ma nyawa manga hidimono woboa o Yesusino de wileha Unangika wato, “Ahi Guru duru ma rorahai, naa moi tonileha Ngonaika. Sarakia, ahi wowangoino de o kia todiai la genangino de ka idadi o wowango ka hiado-adonika ngohi tamake?”

Lukasa 7:30

Masara naga utu abe yotoihene o Yohanese ai demoino de ko yodafongua ho ka yoluku la una waohiki onangika. De ona gea o Farisi manga doomuino ma nyawa de ona abe yotobadoto-dotoko o Musa ai Paretaino abe duru iwioluku o Yohanese ai dodotokika, ho gea onangoo yaoluku Ma Jou ai totiai ma ngekomo.”

Yohanese 8:6

Hokogea ona iwibole ma goa-goa o Yesusika angamoi iwitaili dika ato wotemo sarakia onangika la genangino ihititi la ka idadi iwitae ato walawana Ma Jou ai Paretaika. Masara o Yesusu ko wotemoua womaponuku dika wotuli-tulihi o tonakuku de ai hagaraara.

Galatia 3:18

De nako hoka Ma Jou ai hidoaka ma owa ka idadi hamake ma titi ka ihikaika hatobaniiki o Musa ai Paretaika dika, gea de ahao ko ma titiua to Una ai hiningaka de aino abe wonahibehehongo wato wonahidoaka ma owa ngoneino. Masara gea ai hidoaka ma owa Una wonahidoaka ngoneino ko ma titiua ma Pareta haniiki. De enangoo gea duru imaketero abe hoka ma dodihiraka de nanga tofora o Abarahaama. Angamoi unangoo ma oraha gea wamake ai hidoaka ma owa Ma Jouino de gea ko ma titiua ma Pareta waniiki, masara gea wamake mangale ma titi Ma Jou ai hiningaka de aino abe ma dihirainohi de wihibehehongokau wato ahao wihidoaka unangika. Ho ngaro o Musa ai Pareta wohidogo, masara Ma Jou ai behehongo ma owa abe ma dodihiraino gea ka ilakuohi, abe gea wonahibehehongoka wato wonahiowa ngone ma titi nanga ngongakuino, de gea ena duru ko waturuurua de ko wawohangua.