Lukasa 1:79 - Ma Jou ai Demo-demo o Totobelohoka

⁷⁹ De genangino inahitawange ngone abe ka hogogerohi o fufutuoka, Abe nanga wowango ma dumutu ka o hone-honengika dika. De to Una ai dararono gea yahitararono nanga louoka, La inahihira-hira o dame de o hininga ma sanangi ma ngekomika.” Hokogea o Sakaria ai demo wohidemoiye abe ma oraha iwilufungu de Ma Jou o Womaha ai kuaha.

Lukasa 1:79 ပူးပေါင်းရင်းမြစ်များ

Higiriiri 107:10

De naga nanga gogianongoru utu abe ma dihiraino, Duru yogogere o fufutuoka hiadono manga hininga de ma huhaholi. Abe ona yamao imaketero hoka yabuioka o bui ma tau ma goronaka, De yahidaranteika de o rante o behino ho duru manga badanga ikangela.

Higiriiri 107:14

Abe imaketero hoka Una wahihira-hira la wahihupu o fufutu ma dorouino gea, De abe manga hininga de ma huhaholi enangoo wohihihanga, De gea imaketero de manga rante o behino gea watoaka, Hokogea ai nyawa duru wahiluasa manga kokangelaino.

Higiriiri 23:4

De ngaro ngohi ahi wowango ma ngekomoka, De naga ma oraha abe taohana ahi bodito, Abe duru tamao ihihidotufutuoka tato ahi honenge itigioka, Masara ngohi duru ko tohawanua. Angamoi Ngona ahi Gogoana naga ngohioka ka nohihira-hira, De Ngona nohigoana de nohilaru de ani tutukunu de ani boboha, Hiadono ko moiua ihitigino la ihihibodito.

Sosawaro 3:17

De nako o sosawaro Ma Jouino ngona naniiki de ena gea idadi ani hihira ani wowangoka hiadono ani wowango ma dodagi ma goronaka naga nadaene o sosanangi ma ngoe. De nagali o sosawaroino ma utumu abe iniao o hikadame ma ngekomika.

Sosawaro 8:20

To ngohi ahi ngekomo ka ma totiai dika ma dumutu ho nako ngini nihiniiki ngohi ahi ngekomoka de ngini niamake nia wowango ma hiaturu ma putuhu abe duru itaana ma totiaiika.

Yesaya 42:7

De abe ona manga lako yahorioka gea nahitogumu la ka idadi yomahioriki, de onagona dika yabuioka o bui ma tau ma goronaka ho yomanoa o fufutuoka dika, ona ka idadi nahihohe de nahihupu ma rorahaiika.” Hokogea Ma Jou o Yawe wihuloko de wihitagongo ai Huhulokika.

Yesaya 49:6

De naa Una Ma Jou o Yawe wotemo Ngohino wato, “Igoungu tonihitagongo la o Isiraele ma nyawa nahigilio la ona yokokilio Ngohino, masara ka genangua dika ani tagongo tonihidoaka. Abe nagali tonihitagongo la nodadi hoka o hilo ma dararono abe nahitararono ma gou-goungu o dunia ma nyawa mata-mataika, la ngaro o nyawa yomanoa o tonaka kohagurutika masara mata-mata ihioriki abe Ngohi ka idadi taduhunu ona manga howo-howonino.”

Yesaya 49:9

“De Ngona ahao nahuloko onangika abe yomanoa o bui ma tau ma goronaka nato, ‘Ngini nihupuoka!’ De abe yowango o fufutuoka dika Ngona ahao napareta onangika nato, ‘Nimahiburahiye de nihupu ma rorahaiika!’ De ona ahao ko iwa manga kuranga, abe ngaro ma oraha yotagi-tagi masara ka idadi yamake manga inomo o ngekomo ma datekoka. De o loku-lokuoka abe ma dihiraino ko kia-kiaua yamake masara ahao ka idadi yomaino-inomo genangoka.

Yesaya 9:2

De Ngona Ma Jou nahidoaka la ona duru yososanangi, de manga gogarago duru idadi ilamoko. Abe ona ahao yomorene to Ngona ani himangoka imaketero hoka o nyawa yotobamorene o gugutuku ma gogiriaka, de yomakigimono imaketero hoka ona yolaku-laku ma oraha yodafongo manga hilaku ma utumu.

Lukasa 2:32

De o ngofaka naa wodadi o dararono o nyawaika. Abe ma titi Una wobaluhiyeoka de ahao wahimatoko Ma Jou ai hininga o nyawa mata-mataika. De gea ngaro ona ko o Isiraele ma nyawaikaua, ma onangikaoo wahitararono. Igoungu Una naa womaboa o Isiraele ma nyawaino, De mangale ma titi o nyawa ahao duru iwihoromati Unangika, Ho o nyawa manga horomati itagioo ngomino, Abe ngomi midadioka to Ngona ani nyawa, ho manga horomati itagi o Isiraele ma nyawaino naa.” Hokogea o Simeono ai higiriiri ma demo Ma Jouika.

Yohanese 1:9

“O dararono ma gou-goungu, gea Una abe woboaka la ka idadi wahitararono o nyawa mata-mataika o duniaka naa.” Hokogea o Yohanese ai hingahu ma demo.

Yohanese 12:46

Ngohi toboa o duniauku naa hoka o dararono abe o nyawa tahitararono la onagona dika ihingakuoka, ona gea ko yomanoakaua o fufutuoka.”

Yohanese 8:12

De ahao o Yesusu wahingahuoli onangika abe naga genangoka wato, “Ngohi naa o dunia ma dararono abe o nyawa tahitararono manga wowango. Ho onagona dika ihiniiki Ngohi naa, ona ko yogila-gilakaua o fufutuika masara yamake manga wowango ma ngekomo abe duru de ma dararonoka.”

Yohanese 9:5

De Ngohi naa o dunia ma dararono ho ma oraha Ngohi togogerohi o duniaka naa, o nyawa ka tahitararonohi manga wowangoka.”

Hidingoto 10:36

De ngini naa marai niihenoka abe ma titi o Abari ma Rorahai abe Ma Jou wohidingoto ngomi o Isiraele ma nyawaino. De ma abari gea imihingahu abe o Yesusu Kristusu Una gea to ngone o nyawa mata-mata nanga Baluhu idodutu. De genangino inahingahuoli abe o nyawa ka idadi naga manga gogao itiai Ma Jouika ma titi o Yesusu Kristusu ai datorino.

Hidingoto 26:18

la to ona manga hininga ma lako ka idadi ifelenga la ka idadi ihioriki ma gou-goungu. De abe ihiorikoka ma gou-goungu, gea imaketero hoka manga hininga ma fufutu yanoaka la o dararoninoli yoboa, angamoi gea yanoa o Ibilihi ma haeke ma kuaha la yomanoali Ma Jou ai kuaha ma goronaka. De ona gea ahao ka idadi manga howo-howonino aofioka. De gea yodadi Ma Jou ai kokawaaha la manga gogere duru imakadaene dika de to Una ai kokawaaha utu mata-mataika manga gogere. Abe ma hiowa gea mata-mata ahao idadi onangika ma titi abe ihingaku-ngakuoka Ngohino.’ De hokogea ahi Baluhu idodutu o Yesusu ai demo ngohino abe ma dihiraino.”

Roma 3:17

De nagali, “De ona duru ko ihiorikua hokokia yomakadame de o nyawa eko yomakao irahai de utuoli.”

Efesusu 5:8

De igoungu ma dihiraino de ti ngini nia hininga ma dola ka o fufutuokahi dika, masara naa de ti ngini nia hininga nanga Baluhu idodutu wohitawangeoka la ma titi nia gogao Unangika ho gea ka idadi ngini niwihioriki itararono. Ho naa ngini nia wowangoka kiani o dawange ma wowango nimaaduru.