Lukasa 1:66 - Ma Jou ai Demo-demo o Totobelohoka

⁶⁶ De ona mata-mata abe yoihene manga ade-ade gea de yokokilingiri ma titi manga hiningaka ho yomakokeleha ato, “Ahao wodadi o kia manga ngofaka gea?” Hokogea yotemo angamoi duru itararono onangika abe Ma Jou naga de de ma ngofaka gea.

Lukasa 1:66 ပူးပေါင်းရင်းမြစ်များ

Dodadi 37:11

De ma titi ai buluhara gea hiadono ai ria-riaka manga daleana ka idogo-dogo masara manga baba duru womahihohininga ma titi o Yusupu ai buluhara gea.

Dodadi 39:2

Ho o Yusupu wogogere o Potifaraka, una o Mesiiri ma nyawa gea, la o kia dika o Potifara wihuloko kiani wokarajaanga, gea kiani wodiai. Masara Ma Jou o Yawe naga o Yusupoka de wihiowa la ai karajaanga mata-mataika de ma hasiloka.

1 Kokoano 18:46

De ma oraha o Ahaba wosobo de o Elia womahiadonoka unanguku. De duru ka itodokanino de Ma Jou o Yawe o Elia wilufungoka de ai buturungu. Ka de hokogea idadi de una ai baju ma guru-gurutuku wotupukuriye de ai baju ma barene ai ban ma goronauku wonoa. De unangoo wosobo womapopaata o Ahaba ai goroba ma himangoka wihihira-hira ka hiadono yomahiadonoka o Yisereele ma kotaika.

Lukasa 1:80

De o Sakaria ai ngofaka o Yohanese gea ka ihikaika wofero ka hiadono wolamokoka. De to una ai hininga duru imakiniiki de to Ma Jou o Womaha ai hiningali. De o Yohanese gea ka ihikaika wogogere o tonaka ma kakaahaka. De ipahaino de adonoka ma oraha abe womulaenge wahingahu-ngahu Ma Jou ai Demo-demo ai gogianongoru o Isiraele ma nyawaika, angamoi una gea wodadi Ma Jou ai uru ma dodofanga.

Lukasa 2:19

Masara o ngo Maria mata-mataika abe idadioka o futu gea de to ona manga ade-ade enangoo duru magogono ami hiningaka de ka ihikaika momahihohininga.

Lukasa 2:40

De manga ngofaka o Yesusu wolamoko de ai buturungu ka idogo, de ai hininga aomanga de o sosawaro. De Ma Jou duru widora Unangika hiadono ka ihikaika wihiowa.

Lukasa 2:51

De ahao ona yomakiniiki yolio manga kapongo o Nasaretika de Una ka ihikaika watobahingounu ai dimonika. De to Una ngoi meme muna ami hiningaka de duru mongano-nganono gea mata-mata abe idadioka de Una.

Lukasa 9:44

“Ahi hingahu ma demo naa nginika kiani niagogono nia borihiningaka de ufa niawohanga enangika. Ahao Ngohi o Nyawa ma Ngofaka ihihidoaka o nyawa utuikali la ahao ona gea ihitaoko de ihiurusu.”

Hidingoto 11:21

De ma oraha gea de nanga Baluhu ai kuaha duru ma amoko imanoa onangoka abe yahingahu-ngahu, ho abe ko o Yahudi ma nyawaua ona ko manga ngoe iwingaku de yomangali nanga Baluhika.

Kolose 1:5

De nia ngongaku de nia dora, gea ihititi nia nganganonoka, abe ngini duru nionganono abe nia utumu nagau o Horogaka. Abe nengokadau ma oraha ahao iboa nginino o demo ma gou-goungu, abe o Abari ma Rorahai, ma oraha gea de ahao nihioriki abe ka idadi niamake o utumu o Horogaka. De ma oraha naa Ma Jou winihibehehongoka ma utumu gea de Una daku duru winihigoa-goana nia utumu gea ka hiadono nimahiadoniyeoka de ahao winihidoaka. Ho ma titi gea hiadono ngini ka ihikaika niwingaku Unangika de ai nyawa mata-mataika niadora.

1 Samuele 16:18

De naga womatengo ka o goohi o Saulu ai duduhunu ma doomuino gea wihingahu o Saulika wato, “Ahi koano, ngohi timake womatengo una o Beteleheeme ma nyawa abe o Isai ai ngofaka. De una duru wososawaro ai totabua waragoho de unangoo ai wowango ma datoro duru irahai de una ai nauru de ma domoroinoka. De bari duru wagou-goungu dika wotemo de una de ai horomatioka o nyawaika de abe duru ai utumu Ma Jou o Yawe winiiki.” Hokogea o Saulu ai duduhunu womatengo o Dautu wigorakiye.

1 Samuele 2:18

De ma oraha gea o Samuele, ngaro una ka o ngofakohi masara ka ihikaika wileleani Ma Jou o Yawe ai Tauoka. De una wapake o baju yodiai o lawe ma alu-aluhino abe enangoo yomadingakoka Ma Jouika. De o baju gea ma romanga o efodo abe ma rupa imaketero hoka ona o hidemo Ma Jouika yapake.