Lukasa 1:58 - Ma Jou ai Demo-demo o Totobelohoka

⁵⁸ De ami dutu de abe ami date-datekoka ona yoihene ma abari gea abe Ma Jou womihimatoko ai dora kohaamoko o ngo Elisabetika, ho yomatoomuino munangoka la ona de muna ka yomataigaragoika ma titi ami ngofaka womihidoaka munangika.

Lukasa 1:58 ပူးပေါင်းရင်းမြစ်များ

Dodadi 19:19

Ngini ma ngoeoka nia dora itagi ngohino de nihiduhunu hiadono ka towangohi. Masara ngohi naa ko taboaikaua tomapopaata hiadono o loku-lokuika gea. Done ahao o bobinaaha ihidaene de tohonenge.

Dodadi 21:6

De o ngo Sara mato, “Abeika, naa Ma Jou wodiai la ngohi duru toiete de ahi garago. De o nyawa mata-mata abe ahao yoihene ahi ade-ade naa de onangoo yoiete hoka ngohioli naa.

Lukasa 1:14

Ho gea idadi ani ngofaka womaboa de to ngona ani hininga duru isanangi de ani garago ilamoko. De ahao o nyawa utu ko manga ngoe onangoo yogarago angamoi ani ngofaka gea womaboa.

Lukasa 1:25

De momatemo doka ami hiningaka mato, “Naa abe idadioka ngohino Ma Jou dika ai hiaturu, de gea ma titi ai doraka de aino wodiai. Ho naa o nyawa manga himangino ahi maleke waofioka abe ma titi ma dihirainohi de ahi ngofaka ko iwa.” Hokogea o ngo Elisabete momatemo ami hiningaka.

Lukasa 1:57

De ipahaino adonoka o ngo Elisabete ami gahe de momagerewoto de ami ngofaka o nauru mamake.

Lukasa 14:12

De ahao o Yesusu womalega ma tau ma dutuika abe wiahokino ai tauino de wihigaro wato, “Abe ma oraha o inomo ma hohutulu eko ngaro o ngolo-ngolomo ma amoko nohidiai, gea ufa hiadono o nyawa nairikino dika nahokino. Abe ufa ka ona dika nahoko abe ani dodiawo de ani roria-dodoto de ani dutu adaene de ani date-datekoka abe de manga tiwioka nahokino. Angamoi nako ka ona dika nahoko la nimakutuono niolomo, gea ahao onangoli iniahoko ngona to ona manga tauika, de gea dika ma hibalaha abe ngona namake.

Roma 12:15

De nako naga o nyawa abe yogogarago, nginioo ka idadi nigogarago de de ona. Masara nako naga o nyawa abe manga hiningaka yohuha, gea nginioo ka idadi niamao to ona manga huha.

1 Korintusu 12:26

De nako hiadono ma kiahonanga moi ma odiri yamao, gea ma kiahonanga mata-mataika yamao ma odiri gea. Eko nako hiadono ma kiahonanga moi de ma horomati yamake, gea ma kiahonanga mata-mataika yogogarago. Ho gea ho koaho ngoneoo homaketerimoioka la nanga hininga ma dumutu ka moi dika.