Lukasa 1:57 - Ma Jou ai Demo-demo o Totobelohoka

⁵⁷ De ipahaino adonoka o ngo Elisabete ami gahe de momagerewoto de ami ngofaka o nauru mamake.

Lukasa 1:57 ပူးပေါင်းရင်းမြစ်များ

Gegetongo 23:19

Abe Ma Jou Una ko o nyawaua ho Una duru ko woelu-elukua, De Una ko o nyawa ma ngofakua ho ai hininga ko waturuurua. To Una ai behehongo mata-mataika wohingodumu, Ho done sarakia ngona nafikiri Una wato naga moi wodiai de ngona nato bote Una ko wodiaiuali? Ena gea abe Ma Jou wato wodiai, Una de ahao kiani wodiai. Ai behehongo o nyawaika duru idadi, de imaketero hoka wotemoka ahao idadi.

Lukasa 1:13

Masara o Gabiriele witemo o Sakariaika wato, “Sakaria, ngaro ufa nohawana, angamoi naa ngohi toboa la tonihingahu abe Ma Jou wohigihenoka ani gogahoko. Abe ma dodihirainohi de ngona nogahoko Ma Jouika o ngofaka, ho Una wohihidingotino la gea tonihingahu ngonaika. Ho ngoni fekata o ngo Elisabete ahao momagerewoto de ami ngofaka o nauru, de ti ngini nia ngofaka gea kiani ngona nihiromanga o Yohanese.

Lukasa 1:5

De o Yesusu ai ade-ade imulaenge de o giabereki moi abe manga romanga o Sakaria de o ngo Elisabete. Ona yogogere o Isiraele manga tonaka ma hononga abe ma romanga o Yudea. De ma oraha gea naga manga koano womatengo ai romanga o Herodese. De o Sakaria de o ngo Elisabete manga wowango duru itiai Ma Jou ai himangoka abe Ma Jou ai behehongo de ai pareta mata-mata yaniiki hiadono ko moiua ka idadi yahidaere ato yatilakuru Ma Jou ai Pareta. De ona yahinooto ngaro yaperekioka masara to ona manga ngofaka ko yamakeuahi angamoi o ngo Elisabete ko idadiua modami. De to ona manga tofora yodadi o hidemo Ma Jouiye. Abe to ona manga tofora o Harunu una gea duru ma dodihiraka Ma Jou wiiriki la woleleani Ma Jou ai Tauoka. De o Sakaria to una ai karajaanga hoka ai toforali ho unangoo woleleani Ma Jou ai Tauoka. De o hidemo Ma Jouiye naga manga ngoe abe yomahikarajaanga moi de o Sakaria, ho yomaregu la naga manga doomu muruono naga. De o dodoomu gea yomaketeturuuru yoleleani Ma Jou ai Tauoka ho manga oraha yomahikokodoaka. De o Sakaria wadaene o doomu moi abe ihiromanga to Abia ai doomuoka.

Lukasa 1:56

De ahao o ngo Maria momahidodogumika o ngo Elisabetoka ami mede hange ami dekanino de ahao molio ami kapongika.

Lukasa 1:58

De ami dutu de abe ami date-datekoka ona yoihene ma abari gea abe Ma Jou womihimatoko ai dora kohaamoko o ngo Elisabetika, ho yomatoomuino munangoka la ona de muna ka yomataigaragoika ma titi ami ngofaka womihidoaka munangika.