Lukasa 1:48 - Ma Jou ai Demo-demo o Totobelohoka

⁴⁸ De ngaro ahi dodipokouku ai gilaongo naa, Masara Una wohihininga ngohi. Ho ma oraha naa de ka ihikaika, o nyawa ihihioriki ma titi ngohi, Abe hiadono nanga totoforauku yolape-lapeuku ahao ihihiromanga ato, ‘Muna gea abe duru mamakeoka ma hiowa ma amoko Ma Jouino.’

Lukasa 1:48 ပူးပေါင်းရင်းမြစ်များ

Dodadi 30:13

De o ngo Lea motemo mato, “Ngohi duru tososanangi naa! De o ngo-ngofeka utu ahao ka ihikaika ihihidaere ngohino ato, ‘Muna duru mososanangi.’” Hokogea ami hininga o ngo Lea hiadono o ngofaka gea mihiromanga, “o Sosanangi” abe to ona manga demo, “o Asere.”

2 Samuele 7:8

“Hokogea Natana kiani ngona nihihohininga ahi gilaongo o Dautika de ahao nadofanga ahi hingahu ma demo nenangoo unangika, nato, ‘Dautu, hokonaa Ma Jou o Yawe Wokokurutiye wonihitararono, wato, “Ngona ma dihira o domba ma duduono napaliara de nohihira-hira o ruruubu ma ngiika o tonaka ma hoanoka. De genangoka Ngohi Ma Jou tonile de ani tagongo o dombaika gea taturuuru la to Ngohioli ahi nyawa nahihira-hira. Ho naa ngona nodadioka o Isiraele ma nyawa manga koano.

Maleaki 3:12

De nako hiadono idadi hokogea nginioka, ahao o homoa ma nyawa o dutu amomoi inihiromanga ato ngini duru niamakeoka o hiowa ma amoko ma titi ngini nimanoa o tonakoka abe duru irorahai mata-mataika.” Hokogea Ma Jou o Yawe Wokokurutiye wahibehehongo ai nyawa o Isiraele ma nyawaika.

Lukasa 1:28

De o malaekata gea woboaino womahimatoko o ngo Mariaika de womihingahu wato, “Maria, nanga Baluhu Ma Jou naga ngonaka! De ngona duru namakeoka ma hiowa Ma Jouino!”

Lukasa 1:42

De ma titi imilufungoka ho muna maamo-amokiye o ngo Mariaika mato, “Ahi gianongoru, duru Ma Jou wonihiowa! Ngaro o ngo-ngofeka mata-mataino masara ka ngonahi Ma Jou wonihiowa. De to ngona ani ngofaka abe ahao womaboa ngonaino Unangoo duru wamakeoka ma owa!

Lukasa 1:45

Ngona duru namakeoka o garago ma owa Ma Jouino angamoi ai behehongo ngonaika duru nangaku abe ahao ai demo idadi mata-mata.” Hokogea o ngo Elisabete ami horomati ma demo abe ngomi gianongoru o ngo Mariaika.

Lukasa 1:49

Abe ngaro ka Unangohi duru Wopoputurungu, Masara Una gea ka idadi wodiai o heheranga ngohi ahi wowangoino. De Una gea ai romanga Wotebi-tebini.

Lukasa 11:27

De o Yesusu ai demo gea ko wamatauahi de naga momatengo o nyawa yowoe-woeino de ami ilingi maamokiye mato, “Ngona naa ani demo duru ma hohailoa toihene. Ho ngohi tato marai ngoni meme duru mososanangi ma titi abe Ngona nomaboa munangino de abe nohuhu to muna ami huhuika.”

1 Samuele 1:11

De ami niniata ma goronaka muna mihibehehongo Ma Jou o Yaweika mato, “Ma Jou o Yawe abe ka Ngonahi Nopoputurungu, nako Ngona nomalega ahi kangelaika, de naga ani dora ma hiokoo ngohino, tomagahoko ahi Jou ani duduhunu. Ngaro ngohi to Ngona ani gilaongo naa ma tomagahoko la ufa nohiwohanga de nohihidoaka o ngofaka o nauru. De nako ahi ngofaka gea tamake ahao titingaka Ngona Ma Jou o Yaweika ka hiadono ai wowango ma bahaika. De una wodadi o Nasiri ma nyawa ma titi una o nyawa abe Ngona Ma Jou nomadingakoka. Ho ahao naga de ai dodunguuoka abe ko ma iwa ai tadauru aguti eko akulu angamoi una Ngona nomadingakoka la wonileleani ka hiadono ai wowango ma bahaika.”

1 Samuele 2:8

De ona yomanoa o huha ma ngioka wagorakino la waduhunu, De ona yomanoa o hohedu ma ngioka wahihupu genangino, De wahigogere o kokoano manga ngofa-ngofaka manga hidogoronaka, De hiadono yamake o kadera abe de ma horomatioka. Hokogea igoungu Ma Jou o Yawe ai kuaha mata-mataika, Abe o duniaoo igogere Ma Jou o Yawe ai kuahaka.