Lukasa 1:3 - Ma Jou ai Demo-demo o Totobelohoka

³ Ho ahi gianongoru o Teofilusu abe duru tonihoromati, ngohi naa duru tohidodiai tatailako o Yesusu ai wowango mata-mata abe ka ma dodihirainohi ka hiadono ma bahaika. De gea tatailakoka ho ngohioo tomaputuhu la tohitulihuku ma ade-ade abe duru igou-goungu idadioka, la gea idadi o buku moi abe ka idadi ngohi tadofanga ngonaika.

Lukasa 1:3 ပူးပေါင်းရင်းမြစ်များ

Lukasa 1:1

O buku naa tonihidingoto ngona ahi gianongoru o Teofilusika, abe ngohi duru de ahi horomati ngonaika. Naa ma duruika de ngone mata-mata hoihenoka abe ma titi hokokia Ma Jou wodiai ai datoro to ngone nanga hidogoronaka. Abe gea ma titi hokokia Ma Jou ai behehongo wahingodumu o Yesusu ai wowango de ai datorino. De naga nanga gogianongoru abe ma dodihirainohi de iwinii-niiki nanga Baluhu o Yesusika, ho ona yadaene de yamake de manga lako ma hirete o Yesusu ai datoro mata-mataika abe Una wodiai. De ona gea ka hiadono ma oraha naa ona ka yotobadotakohi ma abari gea o nyawa-nyawaika. Ho ipahaino de ona abe iwitobanii-niiki o Yesusu yahingahu-ngahu ma abari gea o nyawa yowoe-woeika. De ipahainoli de naga o nyawa manga ngoe abe yoihenino ma titi o Yesusu ai datoro gea de hiadono yoigo la ihitulihuku mata-mata gea la idadi o buku. De gea manga buku ma demoino hiadono ngoneoo hohiorikoka ma titi o Yesusu ai datoro gea nanga hidogoronaka.

Hidingoto 1:1

Ahi baluhu o Teofilusu. Ngohi naa o Lukasa de naa o buku moioli tonihidiai la o Yesusu ai ade-ade tohigila-gila. Abe nengokadauino ahi buku ihira-hira ma goronaka de tonihingahuoka abe ma titi to Una ai datoro de ai demo mata-mata wodiaioka ma dodihiraka gea.

Hidingoto 11:4

De ahao o Peturusu wohidodiai wahingahu onangika mata-mata abe idadioka.

Hidingoto 15:19

De ahao o Yakobusu wotemo wato, “De hokonaa ahi hininga, abe ngohi tonahigaro tato koaho ibootohi hahitubuho ona ko o Yahudi ma nyawaikaua abe yomangali Ma Jouika.

Hidingoto 15:25

De naa ngomi nenangoka mimakoketemoka de to ngomi mia hininga mimahiketehiningamoioka ma titi mia putuhu, ho miato koaho miahidingoto mia hihira yahinooto nginika, abe ona yomakiniiki de nanga gogianongoru abe duru hadora, o Baranabasa de o Paulusu.

Hidingoto 15:28

Abe ngomi naa miamao abe Ma Jou o Womaha womihihira to ngomi mia hiningaka ho gea ngomi miato koaho o pareta ma gahumu muruono dika minihidoaka la ngini niatobaniiki enangika.

Hidingoto 18:23

De o Paulusu una hatoli ai dekana o Antiokia ma kotaka la watutumu ai gogianongoru genangoka, de ahao wosobokali wotagi-tagi o Galatia de o Firigia ma tonakika. Abe ma tonakoka gea de una wadulu-dulu ai gogianongoruika la wahigaro de wahiputurungu nanga Baluhika la ka idadi manga ngongaku ifero Unangika.

Hidingoto 23:26

“Ahi baluhu o Gubernuuru Felikisi. Ngohi naa o Kalaudiusu Lisiasa, de ahi tabea tohidingoto ngonaika!

Hidingoto 26:25

De o Paulusu wipaluhu wato, “Ahi baluhu abe duru tonihoromati o Fetusu, naa tomahingahu ngonaika abe ko ihitogohangua, masara ahi demo nginika naa duru ma gou-goungu dika de duru itaana!

1 Korintusu 16:12

De naa abe ma titi nanga gianongoru o Apoloso, ngohi duru tihigaro la tato una waniiki nanga gogianongoru utu la ka idadi una woboa nginika de winitutumu. Masara to una ai hininga wato ko woikuahi ma oraha naa. Ma ika-ika de ahao una woboa winitutumu, iti abe ma oraha itaana.

1 Korintusu 7:40

Masara nako ngohi, ho koaho ngaro ufa de moilakoli la hatoli ami sanangi ilamoko. De ahi demo naa ngohi tonganono Ma Jou o Womaha naga ngohioka wohiduhunu la ka idadi tinihikodoku to Una ai hininga nginika. Marai hokogea dika ahi babaluhu ma demo nginika abe nengokadau ngini nihileha niato, “O nauru de o ngofeka kiani manga gogao hokokia?”

1 Timotiusu 4:6

Ahi ngofaka, nako ahi dodotoko o huratoka naa ngona nadotoko nanga gogianongoruika la hiadono ona yangaku genangika, gea nomahitaana nodadioka o nyawa abe nileleani irahai o Yesusu Kristusika. De naa moioli tonihigaro tato kiani nogila-gila ani hininga nomahitoofo de o ngongaku ma dodotoko ma rorahai gea, abe hoka nengokadauino ka ihikaika naniiki de nomahitoofo genangino.