Kolose 4:8 - Ma Jou ai Demo-demo o Totobelohoka

⁸ De una gea tihidingoto nginika la ngini ahao ka idadi nihioriki abe hokokia idadi ngomino de genangino ahao ka idadi nisanangi de nia hiningaoo iuwini.

Kolose 4:8 ပူးပေါင်းရင်းမြစ်များ

Yesaya 40:1

De hokonaa ti ngini nia Jou wotemo, “Ngini kiani nialaru to Ngohi ahi nyawaika!

1 Korintusu 4:17

Ho gea ma titi hiadono nanga gianongoru o Timotiusu tihidingoto nginika, angamoi una to ngohi ahi ngofaka nanga Baluhoka abe duru tidora de abe una duru wingaku o Kristusika. Una gea tihidingoto la tato winihihohininga nginika hokokia ngohi ahi wowango imakiniiki hoka o Kristusoli ai hininga. De ahi wowango ma datoro o Kristusoka gea duru imaketero abe hoka todoto-dotoko o gareja homoi-homoiika.

2 Korintusu 1:4

Abe ngaro o kangela o kia dika naga ngone haohana masara Una gea wonatobalaru. De ai lalaruino gea de Una wonahiakunu la ngoneoo ka idadi halaru o nyawaika abe onangoo ahao yaohana o kangela manga wowangoka. De gea ka idadi ngone hapake ma lalaru abe hamakeoka Ma Jouoka de aino la onangikali halaru.

2 Korintusu 12:18

De nengokadau ma oraha o Titusu tihigaro la woiki winitutumu, de nagali nanga gianongoru womatengoli abe yomakiniiki yoboa nginika, sarakia ona? Marai ona gea inibudi nginika? Duru ko hokogenangua, angamoi nako ngohi de o Titusu de to ngomi mia hininga ka moi, de ngaro mia wowango ma dodagi ma enangoo ka moi dika.

2 Korintusu 2:7

De naa adonoka ma oraha la ngini niwiapongo de ka idadi niwilaru unangika, done de ai hininga ma dubuho iwilufungu. Angamoi nako ka ihikaika ai hininga itubuho done ahao duru iwilutu genangoka ho ai hininga ko idadiokaua ilio abe hoka ma dihirali.

Efesusu 6:22

De una gea tihidingoto nginika la ngini ahao ka idadi nihioriki abe hokokia idadi ngomino de genangino ahao ka idadi nisanangi de nia hiningaoo iuwini.

Filiipi 2:28

Ho mangale una duru winihohininga ho hiadono ma oraha naa duru toigo la o Epafroditusu tihigilio nginika la ka idadi nimakamakeoli de ahao nigogarago. De gea la ahi hiningaoo hatoli iuwini.

Kolose 2:2

De ahi karajaanga ma dubuho gea ma titi o kia? Gea tokarajaanga de tomatongohono angamoi duru toigo la ngini mata-mata tinihiputurungu nia kokihiningaka la hiadono utuohi ngini nimahiborikeketoka ma titi nia dora itagioka nia gogianongoruika. De nagali abe tokarajaanga ma dubuho la tato tiniduhunu hiadono ngini mata-mataika nia kokihiningaka de duru nia tobahioriki ingodu-ngodumu la hiadono ngini duru niataoko itiai Ma Jou ai dogogono gea, abe ma titi o Kristusu.

1 Tesalonika 2:11

De ngini genangoka nihiorikoo abe ma oraha gea ngomi miniao ngini homoi-homoi abe imaketero hoka naga womatengo o baba abe ai ngofa-ngofaka wao irahai.

1 Tesalonika 3:2

masara iti ka idadi wiwihidingoto nanga gianongoru o Timotiusu nginika abe o Tesalonika ma kotaika la ka idadi una winitutumu. Abe o Timotiusu una gea wileleani Ma Jouika ma titi ai karajaangino, abe Ma Jou ai karajaanga gea la o Kristusu ai Abari ma Rorahai ihiabari o nyawa-nyawaika. De gea wiwihidingoto o Timotiusu nginika la miato una ka idadi winihigaro de hiadono winihiputurungu ngini ma titi nia ngongakuoka,

1 Tesalonika 3:5

Ho gea mangale ma titi tinigihenoka abe igoungu naga o nyawa inihikangela nginika, ho ngohi ahi hiningaka duru tiningano-nganono de tomaleha-leha ma titi nia ngongaku gea nirehenoka eko nagahi. De hokogea itagi ahi hiningaka hiadono ngohi ko tapoakaua ho hiadono o Timotiusu tihidingoto nginika la ka idadi winitutumu de ahao ma oraha una wolioli genangoka de waino de ahao ka idadi tinihioriki hokokia ngini nia ngongaku. Angamoi ma oraha gea tomatemo ahi hiningaka tato, done o Ibilihi ma haeke inihirehene, abe ena gea duru yahitobaata-atara o nyawaika la ato yahirehene enangino. De gea nako hiadono igoungu ena gea inihirehenoka, de gea ahao to ngomi mia karajaanga de mia gahauku nginioka gea mata-mata ka parahaja dika.

1 Tesalonika 4:18

Ho ngini naa kiani nanga Baluhu ai demoino gea niapake la nimahikokalaru done ngini nia hininga ihuhaholi ma titi nanga gogianongoru abe yohonengoka.

1 Tesalonika 5:11

Ho, mangale ma titi nanga nganganono gea ho ngini kiani ka ihikaika nigila-gila dika nimahikokagaro de nimahiketehipoputurungu nia ngongakuoka ma titi gea ahi demoino. De gea ngohi tohioriki naga idadioka nia hidogoronaka ma oraha naa.

1 Tesalonika 5:14

De naa, mia gogianongoru, nagahi mia behehongo utuoli nginika. De naa ngini kiani niahitiari onangika abe yodebeturu manga karajaanga homoi-homoiika. De nako naga utuoli abe manga hininga ihuha eko ihawana, onangika gea kiani niahiputurungu. De onagona dika yoperelu o duduhunu, gea onangika kiani ngini niaduhunu. De o nyawa mata-mataika ngini kiani niao irahai de nia dongohonoka.