Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolose 4:10 - Ma Jou ai Demo-demo o Totobelohoka

10 De naa o Arisitarakusu abe unangoo iwibuioka nenangoka de de ngohi, una ai tabea wohidingoto nginika. De o Maruku, abe o Baranabasa ai gianongoru ma dutu, unangoo ai dora nginika wohidingoto. De naa ngohi tinihihohiningali ma titi o Maruku gea, angamoi nengokadau tinihibehehongoka tato nako una woboa winitutumu, gea kiani niwidafongo.

အခန်းကိုကြည့်ပါ။ ကော်ပီ




Kolose 4:10
17 ပူးပေါင်းရင်းမြစ်များ  

De una womafiki-fikiri de ahao womaputuhu la woiki watutumu ai gogianongoru iwingaku-ngakuoka abe yomatoomuino la yomaniata Ma Jouiye. Ho gea woiki o ngo Maria ami tauika abe muna gea o Yohanese Maruku ngoi meme.


De ipahaino abe ma oraha o Baranabasa de o Saulusu yabootoka manga tagongo o Yerusaleeme ma kotaka de ahao genangoka de yosobo yolio o Antiokia ma kotaika. De abe yomakiniiki de de ona naga o Yohanese abe ai romanga moioli iwifetongo o Maruku, ho hiadono utu iwihiromanga dika ato o Yohanese Maruku.


De ipahainoli de o Paulusu de ai dodiawo ona o Pafoso ma kapongoka de yosobo abe yofarene o kapa moioli la manga dumutu o Pamafilia ma tonakika. De manga kapa imahiadono ho ona youti ma dudungiha abe o Perega ma kapongoka. De genangoka o Yohanese Maruku una wanoaika ai dodiawo yahinooto la una ka idadi wolio dika o Yerusaleeme ma kotaika.


De ma nuuhu gea yomahiadonoka de youti ma kapaka de yauku ma dudunguku o Salamisi ma kapongoka. De ma kapongoka gea de yoiki o Yahudi ma nyawa manga dodotoko ma tau-tauika de yadoto-dotoko o nyawaika Ma Jou ai Demo-demoino. De ma oraha gea naga o Yohanese Maruku abe watobanii-niiki ona yahinootoika.


De hokogea yopoa-poaka hiadono o nyawa manga ngoe yoboaino yomatoomuino la ato ihioriki o kia idadioka. De ko itedekanuahi de o kota ma nyawa gea ona mata-mata duru yolilifangoka angamoi ko ihiorikuahi ma titi. De ahao ona mata-mata yomataiti yoiki o kota ma dodoomu ma amoko ma ngiika. De utu naga abe yataokino o Paulusu ai dodiawo yahinooto o Gayusu de o Arisitarakusu. Abe ona yahinooto ma dihiraino de yomakiniiki de o Paulusu ma oraha una o Makedonia ma tonakoka de aino woboa.


De naga o Paulusu ai dodiawo manga ngoe abe yomakiniiki de de una. Abe o Berea ma nyawa naga womatengo ai romanga o Sopatere abe una o Pirusu ai ngofaka, de naga o Tesalonika ma nyawa yahinooto o Arisitarakusu de o Sekundusu, de o Derebe ma nyawa womatengo o Gayusu. De nagali o Timotiusu de o Asia ma nyawa yahinooto o Tikiku de o Torofimusu.


De nagali nanga gianongoru o Arisitarakusu abe una o Tesalonika ma kotaka ma nyawa o Makedonia ma tonakoka, unangoo naga de de ngomi ma oraha gea. Ho ngomi mia ngoe mifarene o kapa moi abe iboa o Adaramitiumu ma kotaka de aino. De ma kapa gea ma dumutu la itulu-tulu moduku ma kota-kotaika abe o Asia ma tonaka ma ngigorino anii-niiki.


De ma oraha gea naga womatengo manga gianongoru ai romanga o Yusupu, abe ai gogere o Sipurusu ma nuuhoka masara womahidutu o Lewi ma dutuika. De o hidingoto ma nyawa iwihiromangoli o Baranabasa abe ma romanga gea ma titi “una abe wahitobahohigaro o nyawaika.”


De ngohi togahoko nginika la nimidafongo muna gea abe hokokia itiai nanga Baluhu ai nyawa yomakadafongo. De togahokoo la ngini nimiduhunu de ami perelu abe o kia dika naga, angamoi munangoo nengokadauino de maduhunoka o nyawa yowoe-woeika. De ngaro ngohi naa ma hirete masara ngohioo mohiduhunoka. Ho ngohi duru togahoko nginika la nimidafongo irahai nanga gianongoru o ngo Febe.


De o Andaronikusu de o ngo Yuniasa, onangikaoo ma ahi tabea tohidingoto. Abe ona gea yahinooto ahi gogianongoru o Yahudi ma nyawaka de o Kristusokaoo. De ma dihiraino ona de ngohi imiboritaokino ho mimahibui moi. De onangoo yahingahu-ngahu o Abari ma Rorahai abe hoka ngohioli, masara nako ngohi de ona, duru ka onangohi yohira iwingaku o Kristusika.


Ho nenangoka ahi duduhunu ka womatengokahi dika, de gea o Lukasa una gea nagahi ngohioka ka wohiduhunohi. De gea ngohi togahokoo la ka idadi ngona nidulu o Maruku la unangoo woboa ngohino, ho ngini inihinooto ka idadi nimakutuono niboa ngohino. Abe o Maruku una ahao ka idadi duru wohiduhunu ahi karajaanga ma goronaka nenangoka.


De o Epafras, ahi dodiawo o bui ma tauoka naa abe unangoo iwibuioka ma titi o Yesusu Kristusu winiiki, una wohidingoto ai dora ngonaika.


De nagali ona abe ihitobaduhunu ngohi de o Kristusu ai karajaanga, abe manga roma-romanga o Maruku, de o Arisitarakusu de o Demasa de o Lukasa, onangoo ihidingoto manga dora ngonaika.


De naa nanga gogianongoru o ngongakuoka abe ona yomatoo-toomuino o Roma ma kotaka naa, ona gea mata-mata manga tabea ihidingoto nginika. De ngaro ngone nenangoka eko ngaro ngini, masara ngone mata-mata hodadi to Una ai nyawa duru ma hohailoa, ho onangoo ihidingoto manga tabea nginika. De naa ahi ngofaka o ngongakuoka o Maruku, unangoo ai tabea wohidingoto nginika.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ