Masara nako ma dihiraino de nanga hofoko hokogenangua. Abe ma oraha ngone ka haniikohi to ngone o nyawa dika nanga hininga de gea nanga badanga ma goronaka naga nanga hafini o howonika hiadono ngone ka hahowo-howonohi. De ahao naga ma oraha abe hoihenino Ma Jou ai Pareta. Masara gea ka de hoihenino de ipuda nanga hiningaka abe hoigo halawana ai Paretaika. Ho ma titi ai Paretaino de gea barikua hohioriki to Una ai hininga ma ka idogoli abe hahowono Unangika ma titi nanga badanga ma hafini ma dorouino. De nanga howo-howono gea ihihofoko de o hone-honenge ngoneoka.
Kolose 3:7 - Ma Jou ai Demo-demo o Totobelohoka7 De igoungu ngini ma dihira ma dorou gea nginioo nitobadiai, abe ma oraha gea ngini ka nigogerohi nia wowango ma dodihirakahi. အခန်းကိုကြည့်ပါ။ |
Kolose 3:7
7 ပူးပေါင်းရင်းမြစ်များ
De ngini ma oraha gea nia wowango ma goronaka de gea nimaaduru dika abe hoka o dunia ma nyawa utu yowango manga howo-howono ma goronaka. De gea ngini nianiiki dika o Ibilihi ma haeke ma hininga, abe ena gea hohiromanga hato daku ma hoanino ma hidimono ikokurutiye ena gea. De o toka-tokata ma haeke gea ena abe ma oraha naa ka ikarajaangohi o nyawa manga hiningaka la ona duru yoluku iwihingounu Ma Jouika ho hiadono yahowo-howono Unangika.
De nengokadau ngini ko iwahi nia wowango Ma Jou ai himangoka ma titi nia howo-howono Unangika de ma titi nia hininga ma hafini ma dorou ko ihikitingakuahi nginino, ho nia hafini ma dorou gea ka inihihira-hirahi. Masara ngaro ngini ma dihira hokogea, ma, Ma Jou winihidawangoka ka ma moi ngini de o Kristusu ma oraha naa. De nanga howono Unangika mata-mata wakokiofioka.
De gea ahi behehongo ma demo kiani nahihohininga onangika la ena gea yahigaro hiadono yaabole-bole o nyawa mata-mataika. Angamoi Ma Jou waduhunoka manga howonino, ho gea ona kiani manga wowango ma datoro imakiniiki de to Una ai mau onangika. De abeika ngaro ngone naa abe hingaku-ngakuoka, masara abe ma dihira de ngone nanga wowangoka duru homaketero dika abe hoka onangoli abe ma oraha naa ona gea ko iwingakuahi. Abe ngoneoo ma dihira gea duru ko iwa nanga tobahioriki abe hiadono ko moiua de hataana de Ma Jou ai hininga. De ma oraha gea ngoneoo ko iwa nanga hingounu, de gea hiadono o nyawa utu inatobabudi de inahihira-hira ma dorouika. De igoungu ma oraha gea duru ka ma dorouika dika inahipareta hiadono nanga horoodo ma gimono mata-mataika ngone ka ihikaika hoohafini genangika, de gea ngone hoigo la homahisosanangi enangika. De ma dihira nanga wowango ma datoroka duru ka ihikaika hotula-tulaka dika de homaketetaleana de ka hiadono homakodohata ngone de o nyawa utu. Hokogea ma dihira nanga datoro ma dorou, de gea ka imaketero dika abe hoka o nyawa utu ma oraha naa abe ona ko iwingakuahi Unangika. Ho ngone koaho haabole-bole o nyawaika abe manga hininga hokogenangohi.
ကြော်ငြာတွေ