Kolose 2:20 - Ma Jou ai Demo-demo o Totobelohoka

²⁰ De ngini naa ka idadi hotemo hato winihidohonengoka ka ma moi de o Kristusu abe ma oraha Una wohonenge. De abe nihonengoka, gea ho hiadono nia wowango abe ihititi o dunia ma biahaino ihonengoka. Ho nako nia wowango ma dihira gea ihonengokau, done o kia ma titi de hiadono ka niwangohi hoka o duniali ma nyawa yowango? De done sarakia hiadono nagahi nia hingounu o dunia ma biaha ma paretaika?

Kolose 2:20 ပူးပေါင်းရင်းမြစ်များ

Yohanese 15:19

Nako hoka ngini nimaketehiningamoi de o dunia ma nyawa, gea ahao ona inisanangi nginika angamoi nginioo nianiiki o duniaka ma biaha. Masara Ngohi naa tiniirikoka de tinihitingakoka o dunia ma biahaino, de gea ma titi hiadono naga inidohata nginika.

2 Korintusu 10:3

De igoungu abe ngomioo o nyawa dika abe mimanoa o duniaka naa. Masara nako miaparangi Ma Jou ai musuika de ko o duniaua ma hiaturu de ko o dunia ma biahaua miapake, de ko o nyawaua dika ma buturungu miapake.

Galatia 4:3

De naa tonahiketero hoka ngoneoli naa. Abe ngone ma dihiraino de homaketero hoka o ngofaka womatengo ai eteteke de gea angamoi naga utu de ma kuahaka ngoneino. De gea naga utu o pareta ma hiaturu de o duniaka naa ma hiaturu abe inahitobapareta ngoneino ma oraha gea.

Galatia 6:14

Masara nako ngohi naa, ngaro ahi datoro o kia dika naga ma ngohi duru toluku tomahigiriiri ma titi genangino. Masara abe ngohi tohigiriiri, gea nanga Baluhu o Yesusu Kristusu dika ai datoro o gota isosalioaika, genangika dika abe ngohi tohigiriiri. Ho mangale ma titi abe Una wodiaioka ai gotaka, ho naa imaketero hoka o dunia naa ma hiaturu ihonengoka ngohino, angamoi ahi hininga duru ko itagiokaua genangika. De hokogenangoo o dunia naa ihietongo ngohino ato ngohi duru ko kia-kiaua, ho hiadono ngade-ngade hoka ngohi tohonengoka o duniaika.

Kolose 2:14

Abe to ngone nanga howo-howono waofi hokonaa. Ma dihira naga ihitulihukuoka to ngone nanga howono mata-mata o bukuku. De ma buku gea ka idadi hohiromanga hato nanga nagimi Ma Jouika ma buku. De ena gea idadioka nanga bodito. Masara o Kristusu nanga nagimi gea waofioka abe waoika de wohidapakuika o gota isosalioaika, la genangoka de nanga nagimi ihihangoka.

Kolose 2:16

Ho mangale ngini duru ningodumokau o Kristusoka, ho ngaro ufa de niahigihene onangika abe initae-tae de inihohowono ma titi bari ato niahowono niolomo eko niokere. De ngaro ona gea initae ma titi manga agama ma rame-rame ma pareta ko nianiikua eko ngaro o mede ma hungi ma rame-rame eko o Hiaini ma wange ma hiaturu de ngini ko nianiikua, ma, ufa niahigihene to ona manga hininga gea.

Kolose 2:21

Abe naga utu inihuloko ato, “Ufa naa ena naso done nahowono!,” de utu ato, “Ma inomo eko ma ngokere gea ufa namao ani uruoka!,” de utu hiadono ato, “Naa ena ufa ko natigi!”

Kolose 2:8

Ahi gogianongoru, ngini kiani nimaagoana done o nyawa abe yotobadotoko o ngelu-ngeluku ma homoa de ona gea ahao initaurino nia hininga de hiadono inihiloara abe to ona manga dodotokika. Abe to ona manga dodotoko gea tanu o nyawaka de aino dika, abe ona o dunia ma biaha yatobadotoko de yomafiki-fikiri hiadono manga hininga ma tobahioriki dika yamake, de genangino yadotoko o nyawaika. Ho manga dodotoko gea duru imakohowono de o Kristusu ai dodotoko.

Kolose 3:3

Angamoi ngini nia wowango ma dihira ihonengoka, de ti ngini nia wowango ma hungi naga imagogonohi daku o Kristusoka, abe Una gea naga daku ai Baba ai datekoka.

Ibarani 13:9

De nako to Una ai hininga ko waturuurua, gea ma titi to Una ai dodotoko enangoo ma ko ituruurua. Ho ngini ufa hiadono o dodotoko utuoli inihiloarika la enangikali nianiikoli. Angamoi igoungu naga o dodotoko utu kohangoe, de naga utu genangino abe to ena ma dola duru o fara moi ma hidumutu. Ho ngini naa ibootohi nimahigunoa la inihirehene ma dodotoko utuikali gea. Abe naga utu o nyawa manga dodotoko o fara moi ma titi o inomo o kia haolomo de o kiali ko idadiua haolomo. De ngaro ona ma dodotoko abe ma dumutu o inomika gea duru ka ihikaika yatobaniiki to ena ma hiaturu, masara gea duru ko yaduhunua Ma Jou ai himangoka. Ho ngohi tato, ngone naa ngaro ufa homahitoofo nanga hiningaino de o inomo ma rupa o fara moioli gea, abe ma titi to ona gea manga dodotoko. Masara nako to ngone nanga hininga, gea irahai homahitoofo de Ma Jou ai owa dika ngoneino.

Yakobusu 4:4

De ngini naa tinihiketero abe ngini hoka o ngofeka momatengo ko magou-goungua ami rokatika masara mahowono de o nauru utuika. Angamoi ngini nimahiromanga Ma Jou ai nyawa masara nia dora itagi o dunia ma biahaikaoo, ho ngini ko niagou-goungua Unangika niwidora. Ho mode ngini ko nihiorikua abe nako nimaketedodiawo de o duniaika, gea igoungu niwilawana Ma Jouika? Ho onagona dika yomangiriki la yadodiawo o duniaika, ona gea yodadioka Ma Jou ai musu.

1 Yohanese 5:19

De ngone hohioriki abe nako o dunia naa mata-mataika, gea duru o Ibilihi ma haeke ma giamoka imanoa. De hohiorikoo abe nako ngone naa, ngone hagou-goungu hodadioka Ma Jou ai ngofa-ngofaka idodutu.