Kolose 1:21 - Ma Jou ai Demo-demo o Totobelohoka

²¹ De ma dihira ngaro nginioo naa, ma, inihikatingakoka kohagurutika de Ma Jou, angamoi nia hiningaka niwimusu Unangika de hiadono nia wowango ma datoroka nitobadiai itorou.

Kolose 1:21 ပူးပေါင်းရင်းမြစ်များ

2 Samuele 22:24

Ho to Una ai himangoka wohietongo wato to ngohi ahi howono ko iwa, angamoi duru tomahitiari done tahowono Unangika.

Roma 1:30

De nagali abe manga dodiawo manga roma-romanga yawea-weara, de abe duru iwidohata Ma Jouika. De ona gea duru yomagorakiye de yomasade ho hiadono duru yomahigiriiri ona ma hirete. De ona ka ihikaika yomalingiri la ato yomahohiningaiye o datoro ma dorou ma hungioli la ka idadi enangoo yodiai de genangino yahowono. De ona gea yoluku yahingounu manga dimonika.

Efesusu 2:12

De masara ngini kiani nimahohininga abe ma dihiraino gea de ngini igoungu nimakitingakoka de o Kristusu. De nako Ma Jou ai nyawa abe ma titi o Isiraele ma nyawa, ona gea inietongo o nyawa ma homoa dika, abe ngini ko niamakeua o behehongo ma owa muruono naga abe Ma Jou ma dihiraino wahibehehongo o Isiraele ma nyawaika wato ahao wahidoaka onangika. Ho ma oraha gea ngini nimanoa ka o duniakahi dika de gea duru ko iwa nia gogao Ma Jouika, ho nia nganganono abe ahao ma rorahai niamake, gea enangoo duru ko iwa.

Efesusu 2:19

Ho mangale Una winihikadameoka ho hiadono ngini abe ko o Yahudi ma nyawaua, ngini naa ko o homoa ma nyawakaua de ko iniolukokaua. De gea inidafongoka angamoi Una wonahiketehirimoioka ngini de ngomi o dutu moi, abe ngomi ma dodihirainohi de imihiromanga abe Ma Jou ai nyawa. Ho ma oraha naa ngini de ngomi hodadioka hoka o tau moi abe ngone o ria-dodoto moi de hokokibaba Unangika angamoi ngone hodadioka to Una ai ngofa-ngofaka.

Efesusu 4:18

De ona gea manga hininga duru ifufutuoka, de ona hoka o homoa ma nyawa Ma Jouika, ho gea duru yomakitingaka ma gurutika de o wowango abe iboa Unangoka de aino. De gea yomakitingaka ma titi abe ona ma hirete yoluku iwihigihene Unangika angamoi to ona manga hininga ihitogowinoka ona ma hirete.

Yakobusu 4:4

De ngini naa tinihiketero abe ngini hoka o ngofeka momatengo ko magou-goungua ami rokatika masara mahowono de o nauru utuika. Angamoi ngini nimahiromanga Ma Jou ai nyawa masara nia dora itagi o dunia ma biahaikaoo, ho ngini ko niagou-goungua Unangika niwidora. Ho mode ngini ko nihiorikua abe nako nimaketedodiawo de o duniaika, gea igoungu niwilawana Ma Jouika? Ho onagona dika yomangiriki la yadodiawo o duniaika, ona gea yodadioka Ma Jou ai musu.