Ibarani 9:8 - Ma Jou ai Demo-demo o Totobelohoka

⁸ De ma hiaturino gea de Ma Jou o Womaha wonahitararono ngoneino abe nako ma dodihiraino ma oraha Ma Jou ai Tau ihira gea ka yapakeohi, gea ko idadiuahi o nyawa kawaaha yowohama ai Ngi duru Kohamedebini ma goronaika.

Ibarani 9:8 ပူးပေါင်းရင်းမြစ်များ

Lukasa 1:80

De o Sakaria ai ngofaka o Yohanese gea ka ihikaika wofero ka hiadono wolamokoka. De to una ai hininga duru imakiniiki de to Ma Jou o Womaha ai hiningali. De o Yohanese gea ka ihikaika wogogere o tonaka ma kakaahaka. De ipahaino de adonoka ma oraha abe womulaenge wahingahu-ngahu Ma Jou ai Demo-demo ai gogianongoru o Isiraele ma nyawaika, angamoi una gea wodadi Ma Jou ai uru ma dodofanga.

Yohanese 10:7

Ho o Yesusu ka wotemohi onangika wato, “Naa duru tagou-goungu tinihingahu nginika, ma ngorana abe ka idadi o domba yowohama o kurunga ma goronaika, gea Ngohi naa.

Yohanese 10:9

Ngohi naa ma ngorana, ho onagona dika Ngohino yoboa la yowohamika, ona gea ko yoboditoua. De ka idadi yohupu yowohama de yomamake o inomo.

Yohanese 14:6

De o Yesusu womahingahu onangika wato, “Ngohi naa ma ngekomo Ma Jouika, de Ngohioka ma titi ma gou-goungu, de Ngohioo o wowango ma ngango ma titi. Ho ko moiua yoboa ahi Babaiye nako ko Ngohinoua yoboa.

Hidingoto 28:25

De onangoka naga abe yomaketeloliliara ma titi o Paulusu ai dodotoko ma demoino, de hatoli manga dekana yomakoketemo de yomaketeribuutu. De ma bahauku de o Paulusu wahingahu onangika o demo moiokahi abe wahitiari wato, “Ma dodihiraka de Ma Jou o Womaha duru wagoungu abe ma titi ngini utu nia pea ma dogowini. Abe ma oraha gea Una wotemo Ma Jou ai uru ma dodofanga o Yesaya ai uruino. De ma oraha gea Ma Jou o Womaha wotemo nanga totoforaika wato,

Galatia 3:8

De gea igoungu abe ngaro ngini ko o Yahudi ma nyawaua, ma nginioo ka idadi Ma Jou winidafongo de winihitotiai ma titi nia ngongakuino. Abe duru ma dodihiraka de Ma Jou wohibehehongokau ma titi ai hidee abe ngini ko o Yahudi ma nyawaikaua. De ma abari ma rorahai gea abe ma dihiraino wihibehehongoka o Abarahaamika wato, “O dutu homoi-homoi mata-mataika o duniaka ahao yakokimake ma owa de gea ma titi ngonaino.” Hokogea ma dihira wihibehehongo o Abarahaamika.

Efesusu 2:18

Angamoi gea ma titi to Kristusu ai datorino hiadono ngone mata-mata, ngaro ngone o Yahudi ma nyawa eko koua, masara ngone mata-mataika ka idadi hoboa Ma Jou nanga Baba ai himangino. De abe ngone hoboa ai himangino, gea hoboa ma titi Ma Jou o Womahoka de aino, abe gea Una womatengo dika, masara ngone homoi-homoi hiborimakeoka nanga kokihiningaka.

Ibarani 10:15

De abeika ngaro Ma Jou o Womaha ma to Unangoo ai demo imakiniiki de ahi demo ma dumutu abe ahao naa nibasaka. Abe ma dodihiraino ai demo naa ihitulihukuoka, wato,

Ibarani 3:7

De ngaro ngone hodadioka to Una ai nyawa, masara kiani ngone ka homahitiariohi la ufa horehene Unangoka de aino. Angamoi abeika Ma Jou o Womaha ai higaro ma demo abe ma dodihiraino ihitulihukuoka, ato “O wange naa ti ngini nia Jou ka winitemohi nginika, ho abe ma oraha ai demo ma ilingi ngini niihene,

Ibarani 9:3

De nagaoo o tau gea ma goronaka o ngoere ma biri-birini abe ena gea yokabatingi ma ngi hinooto, ho nagali doka ma poretoka abe ma ngi ihiromanga ato o Ngi duru Kohamedebini.

2 Peturusu 1:21

Angamoi nako Ma Jou ai hingahu ma demo, gea duru ko moiua la o nyawa manga mauoka de aino iboa, masara gea mata-mata Ma Jou o Womaha abe wahilufungu o nyawa manga hiningaka de ai kuaha de wahingahu ai demo onangika, de ahao onangoli yadofanga o nyawaika, de hokogea Ma Jou wotemo manga uruoka de aino. Ho koaho ngini duru nitotoihene ma demoino gea.