Ibarani 9:3 - Ma Jou ai Demo-demo o Totobelohoka

³ De nagaoo o tau gea ma goronaka o ngoere ma biri-birini abe ena gea yokabatingi ma ngi hinooto, ho nagali doka ma poretoka abe ma ngi ihiromanga ato o Ngi duru Kohamedebini.

Ibarani 9:3 ပူးပေါင်းရင်းမြစ်များ

Huhupu 40:3

De kiani o Behehongo ma Peti nihingohama o Debi-debini ma Ngi abe Ngohi Ma Jou Tomadingakino de ahao niatatoko de o dadatoko ma ngoere gea.

Yesaya 25:7

De nagali ahao idadi ma lokuoka naa abe Una wagorakiye ma dadamunu abe ma dodihirainohi atamunu ona ko o Yahudi ma nyawaua mata-mataika. Abe ma dadamunu gea hoka o dudukoro abe atapupana onangika la ufa yamake Ma Jou ai hiowa Unangoka de aino. Masara nako ma oraha adonoka de Una waumoika ma dudukoro gea imaketero hoka o ngoere kohaamoko wagorakiye onangino.

Matiusu 27:51

De abe duru ma oraha o Yesusu ai ngomaha itoakoka de doka o kota ma goronaka abe Ma Jou ai Tau ma goronaka o ngoere ma biri-birini ikakihi daku ma barenoka de auku hiadono dau ma barenuku, ho gea ipelaka hinootoka. De o tonaka ihikelu-kelu, de nagali abe o hakaru ma ago-agomo ikokipelaka.

Ibarani 6:19

De gea ka idadi duru hohioriki abe ma hasili ahao hamake nanga nganganonino angamoi ngone hohiorikoka ko iwaka ma batingi abe inahikatingaka ngone de Ma Jou, ho ma oraha naa de ngone ka idadi hoboa Unangino. Masara nako nanga gogianongoru o Yahudi ma nyawa abe ma dodihiraino, ona gea ka yomakitingakokahi Ma Jouino ma titi ma ngoere ma biri-birini abe to Una ai Tau ma goronaka, angamoi ona ko idadiua yatilakuru ma ngoere gea la yoboa to Una ai himangino. Masara ngoneoli ma oraha naa, ngone imaketero hoka ka idadi howohamika abe to Una ai ngi duru itebi-tebini doka ma goronaika de homarihimanga de Una genangoka. De nanga nganganono ena gea tohiromanga tato imaketero hoka o tapu moi abe inahiputurungu nanga hiningaka la ko idomoua hiadono ko ihelorua.

Ibarani 9:7

Masara nako ma ngi ma hinooto abe gea ena o Ngi duru Kohamedebini, gea ma goronaika ka o taongo moi ma moi dika yowohama. De manga hidemo ko mata-mataikaua yowohama, masara ka una dika abe wodadi manga hidemo wokokurutiye Ma Jouika, gea ka una dika womatengo abe ka idadi wowohama doka ma goronaika. De gea ka o taongo moi ma moi dika wowohamika. De nako ma wange gea abe wowohamika, ko idadiua ai giama ma homoa, masara gea kiani naga moi ai giamoka wasoino o huhuba abe o aewani ma awunino, abe ma huhuba gea wahihuba Ma Jouika ma titi to ona mata-mata manga howo-howono abe yahowonoka masara ko yomahiorikua. Ho ngaro manga hidemo wokokurutiye to una ma hirete ai howono de ngaro o Isiraele ma nyawa utu mata-mata manga howo-howono abe ko yomahiorikua de yahowonoka, masara ma huhuba moi gea o awunino de gea ena akokidaenoka ona mata-mata manga howonika.

Ibarani 9:8

De ma hiaturino gea de Ma Jou o Womaha wonahitararono ngoneino abe nako ma dodihiraino ma oraha Ma Jou ai Tau ihira gea ka yapakeohi, gea ko idadiuahi o nyawa kawaaha yowohama ai Ngi duru Kohamedebini ma goronaika.