Ibarani 9:21 - Ma Jou ai Demo-demo o Totobelohoka

²¹ Hokogea wahingahu ibooto de ahao ma awunu gea wagorakoli de wohibarihi Ma Jou ai Tau o Ngoerino ma amokika de to ena ma hiaturu ma kiahonanga mata-mataika abe gea yatobapake ma tau gea ma goronaka abe ma oraha yomahuba Unangiye.

Ibarani 9:21 ပူးပေါင်းရင်းမြစ်များ

Huhupu 24:6

De ma oraha ma hapi gea ma ngomahino yaluiti de ma awunu gea o Musa watakunu de o boko-bokolo wapake. De ma awunu gea waregu ho naga ma hononga abe wohituagi o huhuba ma ngiika de ma hononga watumungohi.

Huhupu 40:9

De ahao Ma Jou wihingahu o Musaika hokokia ihitunguu abe ai tau de ma kiahonanga kiani iwidingakoka Unangika, wato, “O tau naa de ma kiahonanga mata-mata kiani nohitunguu to Ngohi Ma Jou. Ho gea mata-mata niakelenga to ena ma ngi homoi-homoioka de ahao ngona, Musa, naleino o debi-debini ma minya abe tomahitongohioka de o minya gea ngona noderero ahi Tauika de to ena ma kiahonangikaoo nohibarihi la de ma dodunguu gea duru nohikokidingakino Ngohino. Hokogea nohihitongohioka ibooto de duru itebinoka ahi Tau o Ngoerino de ma kiahonanga mata-mata abe naga ma goronaka.