Ibarani 9:20 - Ma Jou ai Demo-demo o Totobelohoka

²⁰ De ma oraha gea o Musa wahingahu onangika wato, “De naa ma awunino de Ma Jou wohidadi ai behehongo ngoneino abe gea ai behehongo wato kiani naa ena ngone hanii-niiki enangika.”

Ibarani 9:20 ပူးပေါင်းရင်းမြစ်များ

Huhupu 24:8

De ahao o Musa waleino o hapi ma awunu ma hononga abe nagahi de ena gea wahibarihi o Isiraele ma nyawa manga lokuino la ma awunu gea idadi to onangoo manga behehongo ma dodunguu. De wahingahu wato, “De naa ena ma awunu idadi o hitaana ma dodunguu. Abe Ma Jou o Yawe winihibehehongo nginika gea kangano tinibasa ibooto de nginioo niwihibehehongo Ma Jouika niato ai demo mata-mata gea nianiiki.” Hokogea o Musa wohibobaha manga huhuba de ai hitararono ma demo.

Matiusu 26:28

angamoi ma angguru gea imaketero hoka to Ngohi ahi awunu. De gea idadioka Ma Jou ai behehongo ma titi, angamoi ahao ahi awunu ikopoauku la o nyawa manga ngoe manga howono akokiofioka genangino.

Higalioli 29:12

Ho ngini mata-mata naga duru to Una ai himangoka o wange naa la ka idadi ngini de Una nimahiketehibehehongokali.

Ibarani 13:20

De naa ngohioo tinigahoko Ma Jouiye ma titi ngini, abe ka Una dika ka idadi wonahiriidi to ngone nanga hiningaka la hiadono nanga hininga iriidi Unangoka. De nako Una gea, Unangoo Ma Jou abe wodafongo nanga Baluhu idodutu o Yesusu ai awunu abe Una womahihubaka. De gea ai huhuba ipahaino de ahao wihimomiki o Yesusu ai honengino. De ai momomikino gea de wohitunguu abe to Una ai behehongo ma hungi imulaengoka, abe ai behehongo ngoneino gea ko ihibobahaua masara naa de ka hiado-adonika. De gea wigorakoka o Yesusu la wodadi to ngone nanga hihira de nanga gogoana wokokurutiye, abe ka idadi homahiketero ngone naa abe ngone hoka ai domba o duduono moi ho Unangika ka idadi hihiromanga nanga Domba ma Gogoana abe duru wokokurutiye. De Unangika gea abe ngohi tinigahoko ma titi ngini.

Yosua 9:6

De ipahaino yomahiadono o Isiraele ma nyawa manga dodogumu ma ngiika abe o Gigaloka. De ahao yomahingahu o Yosua de o Isiraele ma nyawa mata-mataika ato, “Ngomi naa miboa mia tonaka duru ma gurutoka de miaino, de duru mimagahoko la ka idadi homahiketehibehehongo de ngini naa la ufa homaketeparangi. Angamoi miato irahai la ngone mata-mata hogogere de o dame dika.”