Ibarani 7:20 - Ma Jou ai Demo-demo o Totobelohoka

²⁰ De ma titi naga moioli inahimatoko abe hokokia ma hiaturu ma hungi abe ihikala de ma hiaturu ihira-hiraika. De nako nanga hidemo yohira-hiraika, to ona gea manga tagongo yamake Ma Jouoka de aino, de manga tagongo gea yao irahai. Masara nako to ona manga hidemo ma gogere de to Yesusoli ai hidemo ma gogere, gea duru imakohowono. Angamoi ma dodihiraino ma oraha o Lewi ma nyawa yagoraka la ona gea yodadi nanga hidemo, gea duru ko ma iwa abe Ma Jou wohibehehongo de womafetongo de ai romanga abe ma titi ona gea yodadi nanga hidemo ka hiado-adonika. Masara ma oraha wigoraka o Yesusu de wohibehehongo de gea wohikoboto de to Una ma hirete ai romanga la gea idadi o behehongo duru de ma buturungoka.

Ibarani 7:20 ပူးပေါင်းရင်းမြစ်များ

Ibarani 5:6

De gea Ma Jou Unangoo abe wigorakiye o Kristusu la wodadi nanga Hidemo, abe Ma Jou ai Demo-demoka ma dodihiraino ihitulihukuoka ato, “Ngona nodadioka o Hidemo ka hiado-adonika, de ani hidemo ma gogeroka gea hatoli imaketero de o Mekisedeke ma dodihiraino ai hidemo ma gogeroka, abe unangoo o hidemo womatengo.” Hokogea itemo ma dodihiraino Ma Jou ai Demo-demoka.

Ibarani 7:19

De ma Pareta gea parahaja ngoneino angamoi ma titi ko yakunua abe inahitiai hiadono ngone ko iwaka nanga kuranga. Masara naa wonahidoakoli o ngekomo ma hungioli la genangino ka idadi homahitigi Ma Jouika. De ma ngekomo ma hungi naa ma Pareta ihira-hiraika yaturuuruoka, de nako ma ngekomo hinooto gea abe hohidotelega, ka nenangohi abe duru inahidoaka ngoneino o nganganono ma rorahai. Angamoi naa ena ka idadi wonahitiai de wonahingodumu la nanga gogao de Ma Jou itiaioka, ho ngone duru ka idadi honganono abe ma rorahai ngone hamakeoka.

Ibarani 7:21

De ma oraha gea Ma Jou witemo Unangika wato, “Ngona nodadioka o Hidemo ka hiado-adonika. De Ngohi naa Ma Jou o Baluhu idodutu de Ngohi tohibehehongoka de gea tohikoboto de to Ngohi ma hirete ahi romanga, ho ahi behehongo ma buturungu gea ena duru ko tawoha-wohangua.” Hokogea ma dodihiraino ihitulihukuoka.