Ibarani 6:15 - Ma Jou ai Demo-demo o Totobelohoka

¹⁵ De o Abarahaama ma dekana womatongohono de womahingano-nganono Ma Jou ai behehongika gea, de ahao ma bahauku de idadioka abe imaketero hoka ma dihiraino Ma Jou wihibehehongoka unangika.

Ibarani 6:15 ပူးပေါင်းရင်းမြစ်များ

Dodadi 12:4

De angamoi o Abaraama wihigihene Ma Jou o Yawe ai behehongika gea ho wosobo. De o Loti, abe una o Abaraama ai dodoto o Harana ai ngofaka, unangoo ai ama winiikoka. De ma oraha manga ngi yanoaika abe ma romanga ihitoomuika de ai dodoto o Harana ai romangika, de o Abaraama ai ngumuru adonoka ai taongo moritumidi de motoa.

Huhupu 1:7

Masara o Isiraele ai totoforauku ka ihikaika yofaa-faatuku. Hokogea yodogo-dogo hiadono duru de manga buturungoka. De ika-ika de duru ko manga ngoe hiadono ona yodokemoka o Mesiiri ma tonakoka gea.

Ibarani 6:12

Ho ngohi toigo la ufa initebeturu masara koaho inimagawe, de gea ngohi toigo la nimaaduru abe hoka onangoli yamakeoka ma utumu Ma Jouino, abe manga utumu gea imaketero hoka ma dihiraino wahibehehongoka onangika. De ona gea yamake ma utumu Unangino ma titi manga ngongaku de manga dongohono abe Unangika.

Ibarani 9:15

Masara nako ngone o nyawa, ngone hatilakuroka ai behehongo ihira-hiraika. Ho mangale ma titi gea de kiani Una wohonenge la genangino wonabangu ngone ma titi nanga howo-howonino gea. De gea ma oraha wonabangu de wodadioka Una abe wohiaturu nanga behehongo ma hungi. De Una wodadioka to ngone nanga Hidemo Ma Jouika abe o behehongo ma hungiokali wonahidemo. De gea ko ma titiua nanga howo-howono dika wohiaturu la ko iwaka, masara gea wohiaturoo la ngone mata-mata abe Ma Jou wonaahokoka nanga ngongakuino, ngone ahao ka idadi hamake nanga utumu abe ma dihiraino de Una wonahibehehongoka. Angamoi ma dodihiraino de Ma Jou wonahibehehongoka ma utumu ma ngoe ngoneino wato ahao wonahidoaka, ho naa ma titi o Kristusino de wohiaturu la nanga utumu gea hakokimake! De nanga utumu gea ka jai-jaiua dika, masara gea itongohono ka hiado-adonika.