Ibarani 5:11 - Ma Jou ai Demo-demo o Totobelohoka

¹¹ De abe ma titi o Yesusu ai gogere abe Una gea wodadioka nanga Hidemo Ma Jouika, tanu nagahi o dodotoko ma ngoeohi abe tato tinidotoko genangino, masara ma oraha naa ko tadadiuahi angamoi ngohi tokangela abe tinidotoko hokokia, angamoi ngade-ngade ngini hoka initopongonoka.

Ibarani 5:11 ပူးပေါင်းရင်းမြစ်များ

1 Kokoano 10:1

De naga momatengo o koano abe o Sieba ma nyawa manga tonakoka mahikoano de muna moihene o Saloomo ai ade-ade abe duru o nyawa yahiheranga de itagi o tonaka mata-mataika ai ade-ade. De ma oraha muna gea moihene o Saloomo ai ade-ade de muna momaputuhu mato kiani mitutumu. Ho muna ahao moboa o Yerusaleeme ma kotaino de muna mato o Saloomo mitaili de ami leleha ma ngoe abe duru ihuha o nyawa yapaluhu.

Yesaya 6:10

De ahao Una ka wotemohi ngohino wato, “Ho ani demoino gea de ngona nadiai la to ona manga pea duru itogowinoka, de manga ngauku hoka ko idadiokaua iihene, de ngaro manga lako ma ko idadiokaua yomahioriki. Angamoi nako ka idadi yomahioriki de manga lako de yoihene de manga ngauku, done ona gea manga hiningaino de yataoko ma titi de gea yotoba de hiadono yomatogumoka manga kokangelaino. Masara ma oraha naa de Ngohi ka tolukohi manga kangela tagoraka onangoka de aino.”

Matiusu 13:15

De hokonaa idadi abe hiadono ngini ko nihiorikua ma titi, angamoi ti ngini nia pea duru itogowinoka, de gea nia ngauku hoka ko idadiokaua iihene, de ngaro nia lako ma ko idadiokaua nimahioriki. De gea mata-mata ma titi abe nimangiriki la niato ufa nimahioriki nia lakoino, de ufa nia ngauku iihene, de ufa ti ngini nia hiningaka niataoko to Ngohi ahi hininga de ahi datoro. Angamoi nako ihioriki done yotoba de manga howono Ngohi Ma Jou taofi, masara ona gea manga ngiriki la ihioluku Ngohi.’” De hokogea Ma Jou ai demo abe ma dihiraino o Yesaya wohitulihuku.

Lukasa 24:25

De o Yesusu wotemo onangika wato, “Ngini naa done totokia hiadono nia hininga ko ataokua de abe nia pea itogowini! Angamoi ka ikurangohi niataoko Ma Jou ai Demo-demo mata-mata abe ai uru ma dodofanga ihitulihuku ma titi nanga Mesia abe Una ma dodihiraino de wonahibehehongoka.

Yohanese 16:12

De o Yesusu wahingahuohi ona iwitobaniikika wato, “Naga ma ngoeohi toigo tinihingahu masara ma oraha naa ko niapoauahi.

Yohanese 6:6

O Yesusu ai demo gea ko ma titiua ko wohiorikua gea ahao wodiai, masara witaili dika o Filipusu ho hiadono wileha unangika hokogea.

Hidingoto 28:27

De hokonaa idadi abe hiadono ngini ko nihiorikua ma titi, angamoi ti ngini nia pea duru itogowinoka, de gea nia ngauku hoka ko idadiokaua iihene, de ngaro nia lako ma ko idadiokaua nimahioriki. De gea mata-mata idadi nginika ma titi abe ngini ma hirete nimangiriki la niato ufa nimahioriki nia lakoino, de ufa nia ngauku iihene, de ufa ti ngini nia hiningaka niataoko to Ngohi ahi hininga de ahi datoro. Angamoi nako nihioriki done nitoba de nia howono Ngohi Ma Jou taofi.’ Hokogea Ma Jou ai demo ngone o Isiraele ma nyawaino duru ma dodihiraka.”

Ibarani 5:10

De gea Ma Jou o Baba wihiromanga Unangika wato wodadioka nanga Hidemo abe ngaro o hidemo mata-mataika ma ka Unangohi wokurutiye, masara igoungu nako to Una ai hidemo ma gogere, gea hatoli imaketero de o Mekisedeke to unangoo ai hidemo ma gogere ma dodihiraino, abe unangoo o hidemo womatengo.

Ibarani 5:12

De ngini naa ma deka-dekanuku niwingaku Unangika, ho tanu nidadioka o tobadotoko ma nyawa de niadotoko nia gogianongoru utuikali. Masara ngini hadongoo de ma oraha naa kiani o nyawa inidotokoli abe o dodotoko ihira-hira nginika abe Ma Jou ai dodotokino. De gea ngohi tinihiromanga tato ngini nidadiokali hoka o ngofa-ngofaka abe niperelu o huhu ma teongoli angamoi ko niakunokauali niaolomo o inomo ma dodogowini.

2 Peturusu 3:16

De ngaro to una ai hurata mata-mataika abe gea ma goronaka de naga ai dodotoko abe ma titi nanga Baluhu ai gahe woboali, masara gea ai hurata homoi-homoiika de ai demo duru imakiniiki de to ngohioli ahi demo nginika, ho ngini ka idadi duru niangaku mia demoika abe ma titi nanga Baluhu ai gahe woboali. De igoungu, abe nako to Paulusu ai dodotoko, naga ma titi utu genangino abe hatoli ikangela hataoko itararono, de ena gea ma titi abe o nyawa utu ihikawalimi la hiadono to ena ma dumutu ihikohowonoka. De ona gea o nyawa abe ikuranga yomadotoko de manga ngongaku ka idomo-domohi. De gea ka to Paulusua dika ai dodotoko abe ona ihikawalimi, masara Ma Jou ai Demo-demoino utuoli naga abe enangoo ona ihikawalimoka. De ona gea ahao yamake ma hofoko to ona manga datorino de gea o bobinaahaka.